![](https://blogger.googleusercontent.com/img/b/R29vZ2xl/AVvXsEh2AvrexM1BRp-lYEa-vIeCp7Ap4HoLDrKD0YcOL7iZnW7y-mD-TrNCtRk3hn3J86-3mCSiMjL6q4jR3QtZv8SmLM5Eiwozz5vtp1H0EEIk6iUC1Ucq6MFNm0EmxQmbS51vj9stgr6K01k/s320/charro.jpg)
Comeza a tomar forma a SCD Malpica da vindeira campaña. Así, tralo cese da directiva que presidía Fernando Couto, asume o papel de xunta xestora un novo grupo de persoas que encabeza o actual capitán do primeiro equipo, Marco Pose. Tamén forman parte varios xogadores, ainda que o reparto de cargos e o número exacto de membros non está ainda pechado formalmente.
Por outra banda, no aspecto deportivo, Manuel Agilda seguirá sendo o adestrador do equipo de modestos un ano máis, o que significará a sua cuarta temporada no equipo costeiro.
Tamén está confirmado a fichaxe do dianteiro Fran Montes, máis coñecido como "Charro", que regresa ao Malpica tras dúas temporadas no Ponteceso (co que se proclamou campión da Liga da Costa).
O diario Depor Sport facíase eco da información na súa edición do pasado mércores. Aquí se pode ler.
0 comentarios:
Publicar un comentario