viernes, 31 de diciembre de 2010

PREVIA

Primeiro partido do ano 2011 para o Malpica e derradeiro da primeira volta:

- Domingo día 2 de xaneiro, ás 16:30 horas: Camariñas - SCD Malpica, no Hermanas Patiño (Camariñas).

lunes, 20 de diciembre de 2010

PRENSA

O diario deportivo coruñés Depor Sport publica un artigo sobre a SCD Malpica na súa edición do pasado venres 17 de decembro. Aquí se pode ler.

RESULTADOS DA 16ª XORNADA DA LIGA DA COSTA

Vimianzo 0 - Sofán 0

Fisterra 2 - Carnota 2

Baio 0 - Dumbría "B" 2

Porteño 0 - Muros 2

Esteirana 0 - Camariñas 0

Malpica 0 - Castriz 2

San Lorenzo 1 - Ponteceso 2

O Pindo 1 - Club do Mar 2

Buño 1 - Corme 3

LIGA DA COSTA 16ª XORNADA: MALPICA 0 - CASTRIZ 2

SCD MALPICA: Suso, Charlie, Víctor, Iago (Casais min. 55), Marco, Ismael, M. Dourado, Andrés, David Blanco (Gonzalo min. 81), Cheo, Manu Pardo (Neucha min. 46).

SD CASTRIZ: Ángel, Noly (Rubén min. 70), Sergio Pose, Álex, Toniño, Alberto (Bruno min. 90), Cilindro (Torreira min. 86), Chinda, Sebas (Dani min. 55), Mauri, Suso (David Brenlla min. 65).

Árbitro: Vázquez Suárez. Cometeu varios erros de apreciación típicos nos colexiados desta categoría, pero o seu maior defecto foi o de non sancionar con tarxetas as reiteracións de faltas e perdas de tempo visitantes. Sen embargo, o seu labor non afectou ó resultado.

Ambiente e Incidencias: Pobre entrada na Pedra Queimada, con menos de 100 espectadores no campo. Tarde fría pero sen choiva durante o encontro. Os malpicáns David Blanco e Iago tiveron que ser sustituídos por problemas musculares. Non houbo expulsados.

Goleadores: 0-1 min. 38: O Castriz recupera o balón á altura do mediocampo, prodúcese un pase en profundidade cara a posición de Noly no extremo dereito que se interna en velocidade e centra raso para que anote Sebas no segundo pao. 0-2 min. 55: Sebas busca ó interior esquerdo Suso, pero o malpicán Charlie chega antes co seu par pero cando se dispón a despexar comete un erro no golpeo, quedando o esférico "morto" dentro da área para que Suso fusile ó porteiro malpicán cun disparo a media altura.

Comentario: A SCD Malpica recibía ó Castriz, conxunto do que o separaban tres puntos antes de comezala xornada, polo que tíñan unha gran oportunidade de "dárlles caza" e de enganchar coa zona alta da clasificación despois de realizar un bo encontro a semana pasada ante o Ponteceso (a pesar da derrota por 1-0). Manuel Agilda non podía contar para este partido con Martín (lesionado), Viña (lesionado), Carlitos (con problemas lumbares), Eloy (baixa de última hora) nin con Marcos Amado (sancionado). Nos primeiros compases de encontro a igualdade foi a nota predominante, con dous conxuntos ben armados atrás e con escasa profundidade en ataque, pero a medida que os minutos transcorrían o Malpica foi baixando a intensidade, dando a sensación de andar cunha marcha menos co seu rival nesta tarde. Os visitantes fixéronse donos do esférico, logrando combinar á altura do mediocampo e buscando continuamente cambios de orientación cara os seus rápidos xogadores de ataque. Os malpicáns só lograban crear perigo por medio de Cheo, hoxe xogando pola banda esquerda, aproveitando os amplos espazos dos que dispoñía pola súa banda, pero os seus centros non atoparon rematador, salvo nunha ocasión na que Miguel Dourado si logrou rematar pero defectuosamente. A pesar do seu maior dominio, tampouco tivo o Castriz grandes ocasións de gol, ainda que si mostrou máis presencia ofensiva que os locais.

Tralo tempo de descanso, e coa entrada de xogadores de refresco e novo sistema táctico máis agresivo, con dous dianteiros, o Malpica saiu ben no segundo tempo, logrando combinar e profundizar polas bandas, cun Castriz máis replegado tentando conservala vantaxe adquirida anteriormente. Non obstante, despois do 0-2 deu a impresión de que o equipo baixou os brazos, e apenas creou perigo en ataque como para pensar nun hipotético empate. Se ben os malpicáns seguiron tendo a posesión do balón, esta tíña lugar en zonas moi retrasadas, polo que o Castriz se mostraba moi cómodo sen pasar apuros e buscando aproximarse a área malpicán mediante contragolpes. A oportunidade máis clara para os locais foi mediante un lanzamento de falta de Neucha dende a frontal da área que se estrelou no longueiro preto do final do encontro.

Mal partido dos malpicáns para despedir futbolísticamente este ano 2010, que se mostraron un tanto apáticos neste encontro, sen a intensidade de outras tardes e indo "a remolque" en moitas fases do encontro, e no que non lograron apenas crear ocasións de gol e cun grave erro defensivo que sentenciou o encontro xa nos primeiros compases da segunda metade. Non está a ter unha boa xeira de resultados a SCD, como mostran os seguintes datos: dos últimos oito encontros só gañaron dous; acumulan por primeira vez nesta tempada dúas derrotas consecutivas e nos últimos catro encontro en tres quedaron sen marcar nin un gol. Esperemos que co novo ano cambie a racha e non se repitan partidos como os de onte. O primeiro encontro do 2011 para o equipo adestrado por M. Agilda será en Camariñas o día 2 de xaneiro.

Dende este blog quero desexarlles un bo nadal a tódolos seus lectores, e tamén ós socios, afeccionados, xogadores, técnicos e directivos da SCD Malpica.

viernes, 17 de diciembre de 2010

PREVIA

Derradeira xornada deste ano 2010:

- Domingo día 19 de decembro, ás 16:00 horas: SCD Malpica - Castriz, na Pedra Queimada.

lunes, 13 de diciembre de 2010

RESULTADOS DA 15ª XORNADA DA LIGA DA COSTA

Carnota 1 - O Pindo 2

Sofán 1 - Dumbría B 0

Baio 2 - San Lorenzo 3

Club do Mar 1 - Porteño 1

Corme 4 - Vimianzo 1

Muros 4 - Buño 1

Puenteceso 1 - Malpica 0

Camariñas 0 - Fisterra 2

Castriz 3 - Esteirana 0

LIGA DA COSTA 15ª XORNADA: PONTECESO 1 - MALPICA 0

PUENTECESO SD: Norberto, Fabián, (Charro min. 46; Tucho min. 69), Dani Pallas (Illote min. 92), David Abelenda, Carlos Mato, Pablo, Mario, Bolón, Toniño (Alfredo min. 46), Nando, Luisete (David min. 82).

SCD MALPICA: Suso, Charlie, Víctor, Iago, Marco, Ismael (Eloy min. 61), Neucha (M. Dourado min. 74), Cheo, David Blanco, Andrés, Manu Pardo (Casais min. 74).

Árbitro: Candal Regueira. Foi protestado por ámbolos dous conxuntos durante a primeira metade por dúas accións polémicas, unha en cada área: no minuto 25 Neucha encara a Norberto e tras regatealo este derribao, pero o colexiado non sinala a pena máxima ó interpretar que o malpicán se deixa caer; e no minuto 40 Charlie derruba a Nando tras disputar un balón aéreo tamén dentro da área pero o colexiado non apreciou intencionalidade. Polo demais, tivo unha actuación moi correcta, mostrándose sempre dialogante cos xogadores e controlando o xogo sen abusar dos cartóns.

Ambiente e Incidencias: Bo aspecto o que presentaban as bancadas do Pinguel na tarde de onte, cuns 200 espectadores. Tarde con nubes e claros pero cunha temperatura agradable para a época do ano na que nos atopamos. Non houbo expulsados. No apartado de lesións, Charro abandonou o terreo de xogo cun esguince nun ligamento dun xeonllo; tamén o local Dani Pallas tivo que ser sustituído no treito final do encontro por un golpe nun nocello.

Goleadores: 1-0 min. 64: David Blanco pelexa a posesión do esférico na frontal da área do Ponteceso, a defensa local despexa cun pelotazo que bota preto da frontal da área visitante, Marco disputa o balón con Charro coa mala fortuna de que introduce o balón na súa propia portería despois de rebotarlle no hombro e pasarlle a Suso por encima que se atopaba algo adiantado, a pesar dos intentos de Charlie e Iago por evitar que entrase.

Comentario: Despois da vitoria ante un rival directo a semana anterior (2-0 fronte ó San Lorenzo), a SCD Malpica desprazábase ata Ponteceso para xogar contra o equipo local, un dos máximos favoritos para gañala Liga da Costa e que se atopa en plena xeira de vitorias e goleadas tras un mal inicio de campionato. Para este complicado encontro, Manuel Agilda contaba coas seguintes baixas: Marcos Amado (sancionado), Carlitos (con problemas lumbares) e dos mancados de longa duración Martín e Viña. A contenda comezou moi igualada, cun Malpica ben plantado atrás sen deixarlle espacios ós rápidos atacantes locais e facéndose forte en mediocampo. A posesión do esférico correspondeu maioritariamente ó Ponteceso, pero en zonas moi atrasadas, esperando os malpicáns a recuperalo balón e sair en varios contragolpes perigosos lanzados por pases en longo de Manu Pardo cara David Blanco, sobretodo, pero ó ariete faltoulle algo de sorte nos metros finais. As xogadas de perigo para os locais chegaban pola banda dereita dos locais, con Mario e Luisete como protagonistas. Non houbo ocasións moi claras de gol, destacando as seguintes: para o Malpica unha volea de Cheo tras un saque de falta de Manu Pardo que se marchou alta; un disparo cruzado de David Blanco que se atopaba algo escorado e un lanzamento de falta de Neucha que saiu rozando o longueiro. Por parte do Ponteceso cabe mencionar: un disparo a media altura dende a dereita de Mario que sacou Suso e un fenomenal disparo de Bolón dende uns 25 metros que dou na cruceta.

No segundo tempo a tónica foi semellante a da primeira parte, moita igualdade e brega por parte dos dous equipos, pero con escaso fútbol combinativo e con poucas aproximacións as áreas, e cun Malpica moi disciplinado tacticamente e sen fisuras xogando coma un bloque, creando certo perigo cando lograba tocar en corto e aproveitalos espacios, pois se ben a defensa do Ponteceso se mostrou moi contundente no xogo aéreo, tivo dificultades cando os malpicáns "raseaban" o balón. A clave do encontro estivo no minuto 62, pois Neucha rematou de cabeza ó longueiro cando se atopaba completamente só en boca de gol tras un gran centro de Cheo dende a banda dereita, producíndose apenas dous minutos despois a desgraciada xogada que acabou no gol local. A partir do 1-0, o partido sufriu varias interrupcións importantes tras xogadas onde xogadores dun e doutro equipo necesitaron a entrada das asistencias, o que provocou que se disputase pouco tempo de xogo real. O Malpica intentouno ata o final, agora levando o peso do encontro, inclusive facendo trocos ofensivos buscando ter máis presencia en ataque e subindo líñas, pero non contou con oportunidades claras, tan só un disparo de Iago que saiu excesivamente cruzado tras un pase de Cheo dende a banda dereita xa no minuto 90. O propio Cheo sería derrubado na área tras un empuxón de David que se desentendeu do balón, pero non no considerou suficiente o colexiado como para pitar penalti.

En resumo, encontro de ti a ti entre Ponteceso e Malpica onde as ocasións de gol brillaron pola súa ausencia, cunha SCD Malpica que deixa de novo unha boa imaxe ante o novo líder pero que volve a pagar caro a falta de acerto en oportunidades claras para marcar e que perde o encontro tras un gol en propia meta nunha xogada moi desafortunada. De tódolos xeitos, hai que quedarse co positivo, pois xogando coa actitude de onte seguro que a fortuna acabará por sonreírlles en futuras datas. Para despedilo ano 2010, o Malpica recibe o vindeiro fin de semana ó Castriz, un conxunto en clara tendencia ascendente.

sábado, 11 de diciembre de 2010

PREVIA

Decimoquinta xornada da Liga da Costa para a SCD:

- Domingo día 12 de decembro, ás 16:00 horas: Puenteceso - SCD Malpica, no Pinguel.

lunes, 6 de diciembre de 2010

RESULTADOS DA 14ª XORNADA DA LIGA DA COSTA

Malpica 2 - San Lorenzo 0

Fisterra 3 - Castriz 3

Sofán 2 - Baio 1

Dumbría "B" 3 - Corme 0

Vimianzo 0 - Muros 0

Porteño 3 - Carnota 2

O Pindo 2 - Camariñas 6

Esteirana 0 - Ponteceso 3

Buño 1 - Club do Mar 4

LIGA DA COSTA 14ª XORNADA: MALPICA 2 - SAN LORENZO 0

SCD MALPICA: Suso, Charlie, Víctor, Iago, Marco, Ismael, Neucha (Gonzalo min. 85), Casais (M. Dourado min. 46), David Blanco (Diego min. 83), Andrés, Manu Pardo (Eloy min. 46).

SAN LORENZO: Recarey, Canteiro (Marcos Cancela min. 67), Fabián (Quillo min. 63), Dubra, Casilleiro, Anxo, Omar (Eloy min. 73), Cachizo, Alexandre, Álex, Javi (Fuente min. 81).

Árbitro: Fernando Rodríguez Rodríguez. Nova arbitraxe nefasta nesta tempada para a SCD Malpica, pois o colexiado de onte cometou dous erros de bulto: no minuto 2 sinala falta cometida sobre David Blanco cando a infracción tivo lugar dentro da área; e no segundo tempo sácalle cartón amarelo ó propio ariete malpicán por entender que se deixara caer cando claramente foi derribado polo porteiro visitante tras regatealo, novamente, dentro da área.

Ambiente e Incidencias: Tarde moi fría na Pedra Queimada, cunhas 100 persoas no campo. Non houbo mancados nin expulsados.

Goleadores: 1-0 min. 5: Gran pase en profundidade de Manu Pardo ás costas da defensa visitante, David Blanco aproveita a súa velocidade para plantarse só ante Recarey, anotando de tiro raso que se cola entre as pernas do gardameta. 2-0 min. 78: Boa xogada de ataque do Malpica que finaliza cun pase de Ismael cara David Blanco que volve a encarar a Recarey, nun primeiro intre o porteiro rexeita o disparo do dianteiro, pero o balón volve a pés de David que anota a porta vacía.

Comentario: Despois de empatar en Baio, a SCD Malpica recibía na Pedra Queimada a outro rival directo, ó San Lorenzo, pois ámbolos equipos se atopaban empatados a puntos na táboa clasificatoria. Para este encontro, Manuel Agilda acumulaba as seguintes baixas: Viña, Martín, Carlitos (os tres con diversas molestias físicas) e de Marcos Amado (sancionado). Comezou o encontro moi ben o Malpica, facéndose dono do balón e chegando con perigo durante os primeiros 15 minutos, pois ademais do gol tiveron algunha oportunidade para marcar máis goles, coma un man a man de Neucha tras un pase de Manu Pardo, pero o seu disparo rexeitouno o gardameta visitante. Sen embargo, a partir dunhas accións desatinadas por parte do colexiado en contra dos malpicáns, os xogadores locais comezaron a estar máis pendientes do árbitro que do partido, e o San Lorenzo comezou a combinar, chegando á liña de tres cuartos de campo con relativa facilidade aproveitando a velocidade dos seus xogadores de ataque, ainda que o conxunto azulón non pasou excesivos apuros defensivos. As mellores ocasións chegaron preto do descanso: primeiro David Blanco faise cun balón morto no borde da área, regatea a Recarey nunha mala saída deste pero queda con pouco ángulo e o seu disparo é rexeitado pola defensa; a segunda oportunidade foi para o San Lorenzo, xa no minuto 45, despois dun contragolpe tras un saque de esquina a prol do Malpica, Álex plántase ante Suso e dispara forte a media altura respondendo o gardameta local cunha gran man.

O segundo período comeza cun Malpica moi concentrado e metido no encontro, algo que non sempre sucede, xa que ás veces saen algo "relaxados" cando o marcador vai de cara, o que xa lles costou algúns puntos (como mostran os partidos contra o Porteño e o Pindo). O protagonista foi o xogo directo, cunha defensa visitante moi adiantada e cun David Blanco moi incisivo durante todo o encontro que buscaba aproveitar os espacios e os bos pases que lles serviron os seus compañeiros durante todo o encontro. Non houbo excesivas ocasións claras, destacando un disparo de Miguel Dourado dende o pico dereito da área que se marchou alto. O San Lorenzo acumulou máis xente na parcela ofensiva, pero non lograron combinar con rapidez, faltándolle fluidez para facerlle dano a defensa malpicán. Tiveron a súa mellor oportunidade nun pase en profundiade cara Alexandre que disparou alto. A partir do 2-0 o partido non tivo máis historia, limitándose os locais a esperar a que pasase o tempo sen pasar problemas para mantela renda.

Importante vitoria para a SCD Malpica, que suma 7 puntos nos últimos tres encontros e que deixa de novo unha imaxe moi sólida ante un San Lorenzo que ten grandes xogadores no ataque pero que deixou unha sensación de inseguridade na defensa que non desaproveitou o equipo local cun David Blanco que se reencontrou co gol despois dunha xornada pasada nada inspirada. A vindeira xornada, o equipo adestrado por M. Agilda deberá xogar ante o Ponteceso, o equipo favorito (xunto co Camariñas) para gañala Liga da Costa 2010/2011.

jueves, 2 de diciembre de 2010

SANCIÓNS

Marcos Amado, xogador da SCD Malpica, foi sancionado pola Federación Galega de Fútbol con catro encontros de suspensión tras ser expulsado o domingo pasado contra o Baio (por un presunto "manotazo" a un xogador rival, segundo recolle a acta do partido).

PREVIA

Primeira xornada de liga deste mes de decembro (polo que se adiantan os horarios un cuarto de hora) para o Malpica, con cambio de día respecto ó habitual:

- Sábado día 4 de decembro, ás 16:00 horas: SCD Malpica - San Lorenzo, na Pedra Queimada.

lunes, 29 de noviembre de 2010

RESULTADOS DA 13ª XORNADA DA LIGA DA COSTA

Club do Mar 3 - Vimianzo 0

Corme 4 - Sofán 4

Muros 4 - Dumbría "B" 0

Carnota - Buño (encontro suspendido no min.80 cando ían 0-1).

Ponteceso 0 - Fisterra 0

San Lorenzo 1 - Esteirana 1

Baio 0 - Malpica 0

Camariñas 4 - Porteño 0

Castriz 2 - O Pindo 0

LIGA DA COSTA 13ª XORNADA: BAIO 0 - MALPICA 0

CD BAIO: Felipe, (Ángel Martín min. 12), Fermín, Pablo (Nando min. 73), Ramón, Jóse (Manuel min. 16), Pirucho (Valentín min. 24), Borja (Fachal min. 66), Martín, Jorge, Alberto, Canay.

SCD MALPICA: Suso, Charlie, Víctor, Iago, Marco, Eloy (Marcos Amado min. 65), Neucha (M. Dourado min. 65), Cheo, David Blanco, Manu Pardo, Ismael.

Árbitro: Nicolás Melián Otero. Pésima actuación na tarde de onte, en ningún momento do encontro impuxo autoridade, errou sistematicamente na apreciación de todo tipo de xogadas (saques de bandas, faltas, etc.) e consentiu as constantes perdas de tempo do Baio xa dende o comezo do partido.

Ambiente e Incidencias: Sobre 100 espectadores déronse cita no Platas Reinoso, nunha tarde que comezou cunha temperatura agradable pero a medida que o sol caía o frío gañaba protagonismo. Houbo varios lesionados no Baio que tiveron que ser sustiuídos: Felipe, José e Pirucho, todos eles nos primeiros 25 minutos de encontro. O malpicán Marcos Amado foi expulsado por propinarlle un "manotazo" (segundo recolle literalmente a acta) a un xogador rival no minuto 75 aproximadamente. Tamén o local Martín recibiría o segundo cartón amarelo por empurrar ó propio Marcos Amado nesa mesma xogada. A continuación, houbo unha liorta entre varios xogadores de ámbolos dous conxuntos, na que incluso interviron afeccionados locais que saltaron ó terreo de xogo, tentando agredir a Marcos cando este se dirixía cara o vestiario.

Comentario: Despois da importante vitoria en Esteiro (2-3), a SCD Malpica afrontaba o seu segundo partido consecutivo a domicilio, esta vez fronte ó Baio, partido que a priori se presumía moi igualado, xa que ambos equipos compartían número de puntos, partidos gañados, perdidos e empatados na clasificación, sendo os dous menos goleados da categoría. Nesta xornada, Manuel Agilda contaba coas baixas de Viña e Martín (lesionados de longa duración) e de Andrés (sancionado por acumulación de amarelas). Comezaba o partido cun Malpica ben organizado, co equipo moi xunto e presionando con criterio que apenas lle permitiu ó Baio pasar do mediocampo en contadas ocasións. Co paso dos minutos, os visitantes monopolizaron a posesión do balón, combinando ben en tódolas líñas e creando perigo á defensa local con pases interiores en busca de espazos. Froito deste dominio, os malpicáns dispuxeron de moitas e claras ocasións: tres mans a mans de David Blanco que estrelou sucesivamente contra o porteiro local (o primeiro foi unha boa intervención de Felipe), un disparo de Cheo dende a parte dereita da área que saiu a saque de esquina despois de rozar nun defensa do Baio, un tiro de Neucha que saiu cruzado en exceso dende o pico esquedo da área e un disparo de Manu Pardo dende media distancia que dou no longueiro. Polo que atinxe ó Baio, apenas se aproximou a área de Suso, e non tirou a porta ningunha vez neste primeiro período.

No segundo acto, os locais saíron con algo máis de ambición, pero tras uns minutos onde o partido foi máis igualado, de novo o Malpica acabou por impoñelo seu fútbol e volveu a encerrar ó Baio no seu propio campo, ainda que lles costou profundizar debido a que se atoparon cunha defensa máis replegada. Outra circunstacia que condicionou o choque foron as constantes interrupcións que se produciron no xogo, feito que xa aconteceu dende o comezo do encontro; algunhas foron accidentais pero outras intencionadas por parte do Baio (á hora de sacar de porta, de sacar de banda ou á hora de enviar balóns cando estes saían dos límites do campo), sen que o colexiado fixese nada por remedialo. De novo as ocasións foron para os malpicáns: outro man a man de David Blanco tras un pase en profundiade de Manu Pardo que sacou co pé Ángel Martín, un cabezazo do mesmo protagonista no segundo pao tras un saque de esquina que se marchou rozando o pao esquerdo da portería e un lanzamento de falta de Neucha que tamén se marchou fóra moi preto do pao dereito despois de que nadie tocara ese "centro-chut". O Baio só tirou entre os tres paos unha vez e no minuto 90, mediante un disparo cruzado raso de Alberto que Suso mandou a saque de esquina despois dunha gran estirada.

En definitiva, igualada entre os "reis do empate" (pois ámbolos dous conxuntos suman 7 en 13 encontros), pero nun encontro onde o Malpica foi moi superior ó Baio pero que non logrou gañar pola súa falta de efectividade de cara a gol. A SCD perdeu unha boa oportunidade para reducir distancias con varios equipos da zona alta, pero a líña de xogo que mostrou nesta xornada foi moi positiva, e esperemos que sirva de base para futuras contendas. A vindeira semana recibe na Pedra Queimada ó San Lorenzo.

viernes, 26 de noviembre de 2010

PREVIA

Novo partido ligueiro na Liga da Costa para a SCD:

- Domingo día 28 de novembro, ás 16:15 horas: Baio - Malpica, no Platas Reinoso (Baio).

lunes, 22 de noviembre de 2010

RESULTADOS DA 12º XORNADA DA LIGA DA COSTA

Fisterra 3 - San Lorenzo 4

Sofán 2 - Muros 3

Corme 1 - Baio 1

Dumbría B 4 - Club do Mar 3

Vimianzo 2 - Carnota 4

Buño 0 - Camariñas 4

Porteño 1 - Castriz 2

O Pindo 0 - Ponteceso 4

Esteirana 2 - Malpica 3

LIGA DA COSTA 12ª XORNADA: ESTEIRANA 2 - MALPICA 3

SD ESTEIRANA: Ramón, Varela, Mingos (Sergio min. 53), Dani, Adelino, Uru (Andel min. 70), Álex (Godo min. 61), Picholeiro (Pepiño min. 53), Roberto Pladur, Iago, Adrián.

SCD MALPICA: Suso, Charlie, Marcos Amado, Iago, Marco, Andrés (Víctor min. 77), Neucha (M. Dourado min. 65), Cheo (Gonzalo min. 92), David Blanco (Diego min. 93), Manu Pardo, Ismael.

Árbitro: Jesús Iván Patricio Blanco. Estivo ben en dous aspectos: á hora de indicalas faltas e tamén se mostrou dialogante cos xogadores de ámbolos dous conxuntos. Sen embargo, permitiu o xogo duro dos locais, pois apenas lles sacou cartóns amarelos cando houbo numerosas faltas duras, especialmente cometidas sobre Cheo.

Ambiente e Incidencias: Boa entrada no José Luis Vara, cunhas 150-175 persoas no campo. Tarde gris, con frío e con choiva intermitente durante o encontro. Non houbo expulsados. No apartado de lesións, o malpicán Andrés abandonou o terreo de xogo con molestias nun nocello.

Goleadores: 1-0 min. 12: Roberto Pladur gáñalle as costas á defensa visitante, recibe un pase longo, controla perfectamente co peito e bate a Suso de tiro raso á altura do punto de penalti. 1-1 min.43: Boa xogada combinativa por banda dereita dos malpicáns entre Manu Pardo e Cheo, que culmina cun centro de Manu ó corazón da área que remata Ismael de cabeza. 1-2 min. 57: Vaselina de Manu Pardo dende uns 25 metros, o balón da no longueiro pero rebota na espalda do porteiro local que estaba un pouco adiantado e cólase na portería. 2-2 min. 59: Contragolpe da Esteirana, o esférico chégalle a Roberto Pladur na posición de extremo dereito, mete un centro raso ó punto de penalti, alí aparece o central Adelino libre de marca, o seu remate párao Suso pero o rexeite golpea de novo no xogador local anotando con fortuna. 2-3 min. 87: Gran pase en profundidade de Ismael cara David Blanco que lle gaña por velocidade á defensa e bate a Ramón de tiro raso axustado ó primeiro pao.

Comentario: Realizaba a SCD Malpica o viaxe máis longo de toda a tempada para enfrontarse á Esteirana coa intención de deixar atrás o mal sabor de boca que supuxo perder no minuto 94 contra o Fisterra había unha semana. O adestrador malpicán, Manuel Agilda, non podía contar para este partido con Eloy (sancionado por acumulación de tarxetas), Viña (lesionado nun xeonllo), Martín (cunha lesión muscular) nin con Casais (por enfermidade). Comezaba o encontro mal para os malpicáns, pois ós 12 minutos xa se atopaban por detrás no marcador, o que provocou que a Esteirana acumulase xente na parcela defensiva, defendendo atrás e que buscase aproximarse a meta de Suso só mediante balóns longos cara o seu mellor atacante, Roberto Pladur. Co paso dos minutos, os visitantes fóronse asentando no campo, facéndose donos do esférico e levando o peso do encontro, ainda que alternando boas fases de xogo con precipitacións e erros non forzados. Non concederon máis ocasións ós locais, pois aumentaron a presión en mediocampo e estiveron atentos á perigosidade dos contragolpes da Esteirana. Froito do dominio e da maior presencia en ataque chegou o merecido gol preto do descanso. Foi unha primeira metade con poucas ocasións de gol, sendo a máis clara un cabezazo de David Blanco ós 10 minutos tras un saque de esquina botado por Neucha que se marchou rozando o pao dereito da portería de Ramón.

No segundo tempo, o Malpica saiu totalmente decidido a lograla vitoria, aumentou a intensidade e nos primeiros 15 minutos deste período foi moi superior á Esteirana, que apenas podía superala líña do mediocampo. Recuperaban a posesión moi rápido e preto da área local, o que lles permitiu tocar á altura de tres cuartos, buscando unha e outra vez a Cheo que superaba continuamente ó seu par. Tiveron dúas oportunidades claras nun cabezazo de Neucha a centro de Cheo que se marchou alto e nun disparo de Isamel dende o borde da área que saiu tamén fóra por pouco. Sen embargo, tras adiantarse no marcador, pronto chegaría o gol do empate dos locais tras unha rápida xogada de transición, poñendo de novo o encontro costa arriba para os malpicáns que non vían refrexada a súa superioridade no marcador. O Malpica, agora con dous dianteiros, volveu a acosar a Esteirana, presionando outra vez bastante arriba e tentando de combinar, ante un conxunto local outra vez metido atrás. Tras unha nova oportunidade de David Blanco en forma de cabezazo, chegaría o terceiro gol nos minutos finais. A partir de ahí, a Esteirana buscou o empate a través do xogo directo pero apenas conseguio facer dano.

Importante vitoria para o conxunto de Agilda, que levaba tres xornadas sen facelo e que supón unha importante inxección de moral. Ademais, é a primeira vez que logran remontar un encontro que se lles pon adverso no que vai de tempada. Triunfo que lle serve para manterse na zona media-alta da táboa clasificatoria nunha Liga da Costa cada vez máis apretada (do cuarto clasificado ó duodécimo só hai 5 puntos), algo que se consolidaria se logran vencer a vindeira semana de novo a domicilio, esta vez en Baio, pois ámbolos dous conxuntos están empatados a puntos.

viernes, 19 de noviembre de 2010

PREVIA

Duodécima xornada na Liga da Costa para o Malpica:

- Domingo día 21 de novembro, ás 16:15 horas: Esteirana - SCD Malpica, no campo José Luis Vara (Esteiro).

lunes, 15 de noviembre de 2010

RESULTADOS DA 11ª XORNADA DA LIGA DA COSTA

Club do Mar 2 - Sofán 1

Camariñas 4 - Vimianzo 1

Ponteceso 2 - Porteño 1

Carnota 2 - Dumbría B 3

Baio 0 - Esteirana 1

San Lorenzo 1 - O Pindo 3

Castriz 2 - Buño 0

Muros 3 - Corme 1

LIGA DA COSTA 11ª XORNADA: MALPICA 0 - FISTERRA 1

SCD MALPICA: Suso, Charlie, Marcos Amado, Víctor, Marco, Andrés (Miguel Dourado min.67), Neucha, Cheo, David Blanco, Ismael, Eloy (Manu Pardo min.46).

SD FISTERRA: Joselu, Piti, Pana, Nico, Borja Santos, Rodri, Roa (Tata min.71), Julio, Edi (Nacho min.63), Roco, Manoliño.

Árbitro: Castaño Díaz. Boa labor en termos xerais durante a primeira metade, pero na segunda houbo dúas xogadas polémicas moi protestadas polos locais: un discutible fóra de xogo de David Blanco cando este encaraba só a portería rival, e no minuto 93 incomprensiblemente indica falta a prol do Fisterra (da cal viría o único tanto do encontro) despois de deixala lei da vantaxe e de que o xogador visitante perdese o balón tras golpealo defectuosamente ó querer centrar por erro propio e non como consecuencia da falta anterior.

Ambiente e Incidencias: Tarde moi desapacible na Pedra Queimada, con frío, vento e choiva intermitente (incluive cunha pequena granizada ó comezo do encontro). Unhas 100 persoas asistiron á contenda. O malpicán Andrés abandonou o terreo de xogo con molestias na espalda despois dunha mala caída. Non houbo expulsados.

Goleadores: 0-1 min.93: Falta lateral dende a banda esquerda botada polo Fisterra, o esférico diríxese ó punto de penalti e alí aparece Roco libre de marca para anotar de cabeza.

Comentario: Despois de afrontar unha primeira parte do calendario teoricamente favorable (de feito, enfrontouse xa ós oito derradeiros clasificados), a SCD Malpica recibía na Pedra Queimada ó Fisterra, un dos mellores equipos da categoría, dando inicio a unha serie de partidos nos que se vai enfrontar a equipos da metade superior da táboa clasificatoria. Manuel Agilda non podía contar cos seguintes xogadores: Casais, Martín, Viña (os tres baixa por diferentes molestias físicas) nin con Iago (sancionado). O Malpica non disputou unha boa primeira metade, saiu algo frío, dando a sensación de ir un pouco a remolque, e sen lograr combinar nin crear perigo en ataque; só alguna xogada aillada de Cheo por banda dereita levou certo perigo. Ademais, houbo varios erros defensivos graves que propiciaron ocasións claras a prol do Fisterra. Pola contra, os visitantes mostráronse coma un conxunto moi sólido dende o primeiro minuto, sen conceder ocasións atrás e tratando o balón sempre con criterio, pero non foron quen de marcar. As ocasións máis importantes caeron do lado fisterrán, consecuencia lóxica do visto nos primeiras 45 minutos: tres nos pés de Manoliño despois de aproveitarse se sendas cesións defectuosas da defensa a Suso e unha de Borja Santos que dispara dende dentro da área pero Suso "chapa" o balón nunha gran parada.

No segundo acto as cousas cambiaron un pouco, xa que o Malpica entrou ó campo con máis agresividade e ambición, logrando librarse da presión do Fisterra e si plantou cara. Así, lograron recuperalo esférico con maior velocidade e chegaron moito máis ás inmediacións da área visitante (Joselu, o gardameta fisterrán, pasara desapercibo antes do descanso), ainda que con pouca profundidade. Froito da melloría mostrada, os locais tiveron varias oportunidades para marcar, destacando un disparo de Manu Pardo dende o borde da área que petou no longueiro e un tiro de Neucha dende o lateral esquerdo da área que sacou Joselu co pé despois dunha gran intervención. Polo que atinxe ó Fisterra, seguio mostrándose como un equipo moi serio, ben organizado, pero sen tanto protagonismo en ataque, e só destacou unha ocasión de Borja Santos despois dun contragolpe ó comezo da segunda metade que despexou Suso a saque de esquina.

Primeira derrota da SCD Malpica como local nesta tempada, e tamén primeira derrota na Pedra Queimada en liga dende o mes de setembro do ano pasado. Certo que o gol chega tras unha decisión arbitral errónea que perxudicou (unha vez máis) ós malpicáns, pero tampouco é menos certo que tiveron sorte de ir 0-0 ó descanso e de que non disputaron un bo encontro (especialmente na primeira parte). Sen embargo, ahora toca dalo "do de peito"e levantala moral para sacar bos resultados nos encontros que se aproximan, xa que serán os que marquen o devir do equipo nesta Liga da Costa 2010-2011. A vindeira semana, a SCD viaxa ata Esteiro para xogar co conxunto local o que será o primeiro dos dous encontros consecutivos que deberá disputar como visitante.

viernes, 12 de noviembre de 2010

PREVIA

Nova xornada de liga para o Malpica:

- Domingo día 14 de novembro, ás 16:15 horas: SCD Malpica - Fisterra, na Pedra Queimada.

lunes, 8 de noviembre de 2010

RESULTADOS DA 10ª XORNADA DA LIGA DA COSTA

Fisterra 0 - Esteirana 1

Muros 0 - Baio 0

Corme 0 - Club do Mar 3

Sofán 1 - Carnota 0

Dumbría "B" 2 - Camariñas 6

Vimianzo 0 - Castriz 1

Buño 2 - Ponteceso 5

Porteño 2 - San Lorenzo 1

LIGA DA COSTA 10ª XORNADA: O PINDO 2 - MALPICA 2

O PINDO CF: Garrido, Mateo (Ángel min.86), Cote (Edu min.79), César, Jóse, Miguel, Víctor, Rafa (Julián min.46), Aitor, Borja (Diego min.46), Rivas (Javi min.79).

SCD MALPICA: Suso, Charlie, Marcos Amado, Víctor, Iago, Andrés (Miguel Dourado min.46), Neucha, Cheo, David Blanco (Carlitos min.88), Eloy, Ismael.

Árbitro: Acuña Piñeiro. Boa arbitraxe a que mostrou neste encontro, estivo bastante preciso nas indicacións das faltas e correcto á hora de sacalos cartóns. O lado "negativo" foi a súa falta de diálogo cos xogadores. A xogada polémica do partido sucedeu no minuto 67, cando castiga coa pena máxima un leve agarrón do malpicán Iago sobre Aitor cando este se plantaba só ante Suso, coa conseguinte expulsión por vermella directa.

Ambiente e Incidencias: Pouco público en Lombáns, con menos de 100 persoas nas bancadas. Tarde gris pero sen choiva durante o encontro, e cunha temperatura agradable para a práctica do fútbol. Non houbo lesionados de consideración.

Goleadores: 0-1 (min. 3): Boa recuperación de Ismael á altura do mediocampo, cédelle o esférico a David Blanco que asiste en profundidade cara Neucha, este entra na área por banda esquerda e bate a Garrido cun forte tiro cruzado a media altura. 0-2 (min.33): Cambio de banda de Marcos Amado cara David Blanco, que controla o balón no pico dereito da área local, asiste a Cheo que ven en carreira, entra na área e anota o segundo gol malpicán de disparo cruzado. 1-2 (min. 67): Aitor anota de tiro raso pegado ó pao esquerdo de Suso o penalti xa comentado anteriormente. 2-2 (min.90): Rápida xogada de transición do Pindo despois dun ataque dos visitantes, que culmina cunha internada na área de Víctor que se desfai de varios rivais e envía "o pase da morte" para que Aitor marque a pracer na área pequena.

Comentario: Despois do empate que colleitara a semana pasada fronte ó Porteño na Pedra Queimada, a SCD Malpica viaxaba ata Carnota con gañas de deixar atrás o mal sabor de boca e de lograla segunda vitoria como visitante ante un O Pindo que se atopaba na parte baixa da clasificación. Manuel Agilda contaba con numerosas baixas: Manu Pardo (problemas nun aductor), Viña (nun xeonllo) , Martín (tamén con molestias físicas) e o porteiro Víctor (lesionado nun hombro); baixas ás que había que engadir, a última hora, as de Marco e Casais. O encontro non podía comezar mellor para os intereses malpicáns, pois conseguían anotar moi pronto poñéndoselle o partido de cara, pois foron os claros dominadores dos primeiros 15 minutos, ante un conxunto local moi impreciso á hora de sacalo esférico. Pero pouco a pouco os malpicáns comezaron a abusar dos balóns en longo, con posesións de balón curtas, e sen chegar con claridade á área local. Sen embargo, contaron con outras dúas boas ocasións nesta primeira parte: un disparo coa perna esquerda de Ismael dende a frontal da área que saiu fóra por pouco, e un disparo cruzado de David Blanco que se aproveita con picardía dun erro da defensa pero que se marcha fóra lambendo ó pao dereito de Garrido. Á hora de defender o Malpica mostrouse moi serio, ben plantado atrás e recuperando moitos balóns á altura do mediocampo, o que se traduxo en que O Pindo apenas pisou a área visitante, creando certo perigo só en algunha xogada a balón parado.

No segundo tempo o panorama cambiou radicalmente, pois se ben durante os primeiros 45 minutos o Malpica controlou por completo a situación, a partir da reanudación foron os locais os que asumiron o protagonismo. Saiu relaxado o equipo bergantiñán, quizáis confiado trala superiorade mostrada, ó que hai que engadir que xogaron con inferioridade numérica os últimos 25 minutos. O Pindo logrou tocar mellor neste tempo, facendo dano tanto entrelíñas como a través de numerosas xogadas a balón parado, e tendo varias ocasións perigosas para marcar, pero o gardameta Suso converteuse na figura do encontro ó realizar varias intervencións decisivas e tamén moi seguro no xogo aéreo. Nos minutos finais, e cos locais volcados en busca do empate, os malpicáns si tiveron certa presencia en ataque a través de varios contragolpes, e inclusive Neucha mandou un balón ó longueiro no minuto 85. A pesar de todo, os malpicáns aguantou ata os intres finais, pero incomprensiblemente deixaron que o Pindo lles empatase ó non cortar unha xogada de contragolpe no minuto 90.

Novo empate da SCD Malpica (suma 6 igualdas nos últimos 8 encontros) nun partido con dúas metades moi diferenciadas. Os malpicáns non deberían de ter esas fases de relaxación que amosaron nos dous últimos encontros, especialmente ó comezo dos segundos tempos, e que lle costaron dous encontros que tiñan totalmente controlados no descanso (contra o Porteño gañando 1-0 e onte 0-2), pois este ano estáse a ver xornada tras xornada que non hai rival pequeno e no momento en que un equipo non está ó 100% calquera rival se lle "sube ás barbas". A próxima semana o rival será o Fisterra, un dos favoritos para conseguilo título.

sábado, 6 de noviembre de 2010

PREVIA

Décima xornada xa da Liga da Costa 2010-2011, primeira que se celebra no mes de novembro co conseguinte cambio de horario:

- Domingo día 7 de novembro, ás 16:15 horas: O Pindo - SCD Malpica, no campo de Lombáns (Carnota).

lunes, 1 de noviembre de 2010

RESULTADOS DA 9ª XORNADA DA LIGA DA COSTA

Club do Mar 3 - Muros 2

Carnota 0 - Corme 1

Camariñas 2 - Sofán 3

Ponteceso 6 - Vimianzo 1

San Lorenzo 2 - Buño 1

Esteirana 0 - O Pindo 2

Baio 2 - Fisterra 0

Castriz 0 - Dumbría "B" 1

LIGA DA COSTA 9ª XORNADA: MALPICA 1 - PORTEÑO 1

SCD MALPICA: Suso, Charlie, Marcos Amado, Víctor, Iago (Carlitos min.88), Andrés (Eloy min.46), Neucha, Cheo, David Blanco, Manu Pardo (Ismael min.27), Casais (Marco min.75).

CF PORTEÑO: Asier, Pejo, Roi, Manu, Pablo (Astu min.46), Piti (Óscar min.46), Ismael, Cousillas (Rubén min.89), Quilmes (Iago min.60), Pepe Wi (Iván min.57), Brais.

Árbitro: Ferreiro Varela. Non tivo apenas xogadas complicadas durante o encontro, estivo ben na apreciación das faltas e fóras de xogo pero mal á hora de sacalos cartóns amarelos, pois non mantivo un criterio homoxéneo. Houbo dúas xogadas polémicas: o Porteño reclamou penalti na primeira metade por un empurrón de Iago a Pepe Wi, e os locais unha clara cesión ó porteiro nos instantes finais que o colexiado non indicou.

Ambiente e Incidencias: Tarde gris, con frío e moito vento na Pedra Queimada. Unhas 100 persoas acudiron a velo encontro. Houbo que lamentala lesión do malpicán Manu Pardo (min.27) por un tirón muscular no aductor da perna dereita. Non houbo expulsados.

Goleadores: 1-0, min.9: Falta botada por Neucha dende o pico esquerdo da área do Porteño, o balón queda morto dentro da área pequena despois do rexeite do gardameta nun grave erro, e alí aparece Charlie libre de marca que só ten que empurralo esférico. 1-1, min.60: O xogador local Eloy trata de safarse dun rival pegado a banda esquerda á altura do mediocampo, hai un rexeite, coa mala fortuna de que o balón sae cara a posición de Ismael que se interna na área, e ante a saída de Suso saca un centro medido cara Cousillas que anota de cabeza practicamente na líña de gol.

Comentario: Despois da vitoria no derbi da semana anterior fronte ó Buño, a SCD Malpica recibía na Pedra Queimada ó Porteño, un dos clásicos da Liga da Costa pero que nesta tempada non tivo un bo arranque ligueiro, coa intención de sumala terceira vitoria consecutiva e meterse de cheo na zona alta da táboa clasificatoria. Para este partido, Manuel Agilda non podía contar cos lesionados Martín (problemas musculares) e Viña (mancado nun xeonllo). O elemento que marcou o desenvolvemento do encontro foi o forte vento, que facía moi difícil o control do balón, especialmente no xogo aéreo. Tras un periodo inicial onde ámbolos dous equipos trataron de aclimatarse as condicións metereolóxicas, os locais atopáronse co tempraneiro gol de Charlie, o que lle dou un plus de tranquilidade. Non obstante, o Porteño non se veu abaixo, pero tiña moitas dificultades para combinar e so chegaba as inmediacións da área malpicana mediante o xogo directo (tanto en saques de banda como en faltas). No último cuarto de hora da primeira parte, o dominio foi absoluto do Malpica, metendo ós visitantes no seu campo e contando con varias oportunidades claras para ir cunha renda cómoda ó descanso, pero non lograron marcar. Destacaron: un mal despexe do porteiro que caeu nos pés de Casais pero o seu tiro marcha fóra; un disparo cruzado de Neucha que rexeita Asier caéndolle de novo o balón a Casais que non logra tirar a porta valeira; un disparo de Cheo dende a dereita despois dunha xogada individual; e un disparo dende a frontal da área de David Blanco que chapou Asier. O Porteño non tirou entre os teus paos nesta parte, e só destacou un potente lanzamento de falta de Ismael dende longa distancia que se marchou alto por pouco.

No segundo acto, os malpicáns sairon quizáis un pouco relaxados, froito da superioridade mostrada nos primeiros 45 minutos, e non foron en busca do segundo gol que sentenciara o partido. Esta dinámica cambiou tralo gol visitante, xa que o Malpica lanzouse en busca dun novo gol, presionando moi arriba e roubando constantemente, pero estiveron algo imprecisos nos metros finais (hai que ter en conta que o vento seguia soplando con moita intensidade), mentres que o Porteño xuntaba homes atrás, facendo do contacto físico a súa principal virtude á hora de defender. A pesar de que nesta derradeira última hora os malpicáns apretaron moito, inclusive quedando con tres defensas na parte final do encontro, e a pesar dos erros constantes da zaga e do gardameta rivais, non foron quen de marcalo gol da vitoria, ainda que si tiveron oportunidades para facelo, sobresaíndo unha clarísima de Neucha na área pequena tras un "pase da morte" de Cheo, pero o seu remate saiu moi frouxo. De novo Neucha tivo a vitoria nas súas botas cun gran disparo dende a frontal da área que petou na cruceta dereita da portería visitante co tempo xa cumplido.

Novo empate da SCD Malpica, que parece estar abonada a este resultado, pois xa acumula cinco en nove partidos disputados. Empate que deixa un mal sabor de boca, pois o Porteño só tirou unha vez entre paos durante todo o encontro, mentres que os malpicáns volveron a malgastar as súas numerosas oportunidades, mostrando unha preocupante falta de puntería que comeza a ser unha constante nos seus encontros. Ademais, e tendo en conta os resultados desta xornada, perderon unha fenomenal oportunidade de seguir escalando na clasificación. A vindeira semana o conxunto de Agilda desprazaráse ata Carnota para xogar contra O Pindo.

domingo, 31 de octubre de 2010

PRENSA

Novas declaracións de Manuel Agilda ó diario deportivo Depor Sport. Aquí se pode ler.

jueves, 28 de octubre de 2010

PREVIA

Novena xornada da Liga da Costa 2010-2011:

- Domingo día 31 de outubro, ás 16:30 horas: SCD Malpica - Porteño, na Pedra Queimada.

martes, 26 de octubre de 2010

PRENSA

Nova entrevista do diario Depor Sport ó adestrador da SCD Malpica, Manuel Agilda, con motivo do derbi que se disputou este pasado fin de semana. Neste enlace pódese ver.

lunes, 25 de octubre de 2010

RESULTADOS DA 8ª XORNADA DA LIGA DA COSTA

Club do Mar 1 - Baio 0

Muros 5 - Carnota 0

Corme 1 - Camariñas 2

Sofán 2 - Castriz 3

Dumbría "B" 0 - Ponteceso 4

Vimianzo 2 - San Lorenzo 2

Porteño 1 - Esteirana 3

O Pindo 1 - Fisterra 1

LIGA DA COSTA 8ª XORNADA: BUÑO 1 - MALPICA 2

BUÑO SD: Brais, José, Pancho, Diego, Lolo, Jorge, Elías (Ángel min.64), Martín, Rubén (Mendieta min.46), Fran Martuxa (Santi min.64), Víctor Pardiñas (Víctor Vilar min.46).

SCD MALPICA: Suso, Charlie, Marcos Amado (Marco min.74), Víctor, Iago, Manu Pardo (Miguel Dourado min.78), Neucha, Casais (Ismael min.83), David Blanco, Cheo, Andrés (Eloy min.64).

Árbitro: Álvarez Vega. Correcta actuación na tarde de onte, sen abusar dos cartóns, ainda que con certa tendencia a "caseiro" na indicación das faltas. Sen embargo, si foi valente ó sinalar un penalti a prol do Malpica na segunda metade.

Ambiente e Incidencias: Bo ambiente e gran entrada no campo de Xaviña, cuns 200 espectadores. Tarde nubrada e con boa temperatura, condicións ideais para a práctica do fútbol. Non houbo expulsados. No capítulo de lesións, o malpicán Marcos Amado tivo que ser sustituído por molestias nun xeonllo; tamén Andrés abandonou o terreo de xogo con problemas nun aductor. Merece especial relevancia a gran deportividade que houbo entre ámbolos dous conxuntos e tamén nas bancadas, a pesares da rivalidade.

Goleadores: 0-1 min. 59: David Blanco é empurrado por Mendieta dentro da área, nun penalti innecesario, pois o dianteiro malpicán estaba de costas á portería e no lateral da área, pero foi moi claro. A pena máxima transfórmaa Neucha de tiro raso que da na parte de dentro do pao esquerdo da portería. 0-2 min. 68: Fenomenal contragolpe do Malpica tras un saque de esquina a favor do Buño, Cheo recolle o esférico no borde da súa propia área, emprende unha carreira en solitario, tras facer unha parede cun compañeiro, anotando un golazo despois de facerlle un autopase a un defensa e de regatear ó gardameta tras percorrer case todo o campo. 1-2 min. 94: Co tempo xa cumplico, prodúcese un saque de falta lateral a prol do Buño, a defensa despexa nun primeiro instante, pero o balón cáelle a Diego no borde da área, controla co peito e bate a Suso de tiro cruzado pasando o balón entre unha maraña de xogadores.

Comentario: Volvíanse a velas caras Buño e Malpica en Xaviña despois de dúas tempadas nas que o conxunto da vila oleira estivo na Terceira Rexional, e co recordo na mente dos malpicáns da salvación lograda no minuto 93 da derradeira xornada da Liga da Costa 2007-2008 (encontro que rematara co resultado de 2-3). O adestrador dos malpicáns, Manuel Agilda, tiña as baixas de Viña (lesionado nun xeonllo) e de Martín (con problemas musculares). Ao partido chegaban os equipos cos "papeis intercambiados", xa que o Buño precedía ó Malpica en tres puntos na clasificación e estaba a sela revelación do campionato. Sen embargo, dende os primeiros minutos o Malpica mostrou a súa superioridade, completando un dos encontros máis completos da tempada, e sen dar opcións ó seu rival. Saíron moi concentrados, coas ideas moi claras, tanto en defensa como en ataque, presionando moi ben en tódalas líñas, e roubando balóns aproveitándose das dificultades do Buño á hora de sair co esférico controlado. Apenas se pasaron apuros defensivos, mentres que na parcela ofensiva combinábase ben entre os mediocentros, aproveitándose a movilidade dos xogadores ofensivos, e penetrouse con sentido polas bandas. Mostra delo foron as ocasións que se crearon, sobresaíndo as seguintes: un potente disparo de Marcos Amado dende o pico esquerdo da área que se marchou fóra por pouco; unha falta botada por Manu Pardo á altura do borde da área que atallou Brais; outra falta sacada por Neucha que rexeitou Brais, caendo o rexeite a Manu Parde que anota de cabeza pero o colexiado non no concede por presunto fóra de xogo; e unha xogada de Cheo pola banda dereita, cuio centro mándao David Blanco fóra tras rematar na área pequena. Polo que atinxe ó Buño, acumulou moita xente atrás, e tivo grandes dificultades á hora de combinar con fluidez, mostrándose inoperativo en ataque. Só destacaron dúas accións de perigo, ambas a balón parado: un cabezazo de Jorge tras un saque de esquina que atallou un ben colocado Suso, e un ramate en "semichilena" tras un rexeite despois dunha falta lateral de Fran Martuxa que detivo de novo Suso sen dificultades.

No segundo tempo, o Buño saiu cun pouco máis de ambición, subindo líñas e acumulando máis xente arriba, pero isto provocou que quedasen moitos espacios para os rápidos atacantes do Malpica. Os visitantes seguiron co mesmo planteamento, pero tras anotalo primeiro gol atoparon moitas máis facilidades para chegar á área local mediante perigosos contragolpes, pois o Buño tentou lograr un hipotético gol que lle dera o empate, pero en ningún momento dou a sensación de poder acadalo. Os malpicáns tiveron varias ocasións clarísimas de gol, pero non lograron aproveitalas, destacando dúas clamorosas: un remate de David Blanco dentro da área pequena tras pase de Casais que atalla Brais, despois dunha gran xogada colectiva do Malpica; e un man a man de Neucha que intenta "picalo" balón ante a saída do gardameta pero sáelle demasiado alto. Polo que respecta ós locais, a pesar de ir por detrás no marcador, só tiveron unha oportunidade clara, de novo a balón parado, tras un saque de falta que peina Víctor Vilar que Suso despexa a saque de esquina despois dunha gran estirada.

Importante e convincente vitoria da SCD Malpica na tarde de onte, non soamente por tratarse do derbi da localidade, se non porque o Buño ainda non coñecía a derrota no que iba de tempada. O conxunto de Manuel Agilda atravesa un bo momento de forma, en clara progresión, como desmostran os seguintes datos: é o conxunto menos goleado da categoría (6 goles encaixados en 8 encontros); suma por primeira vez nesta tempada dúas vitorias consecutivas; logra a súa primeira vitoria como visitante; e acumula 6 xornadas consecutivas sen perder. A vindeira semana a SCD recibe ó Porteño.

domingo, 24 de octubre de 2010

PRENSA

Con motivo do derbi que enfronta hoxe a Buño e Malpica, o diario deportivo Depor Sport dedicou a súa edición do pasado xoves a recordala derradeira vez que se enfrontaron ámbolos dous conxuntos. Aquí se pode leer.

viernes, 22 de octubre de 2010

PREVIA

Este fin de semana xógase a oitava xornada da Liga da Costa 2010-2011, xornada na que terá lugar o derbi do concello de Malpica:

- Domingo día 24 de outubro, ás 16:30 horas: Buño - SCD Malpica, en Xaviña (Buño).

PRENSA

O diario Depor Sport publicou unha pequena entrevista co xogador malpicán Cheo o pasado martes, pódese consultar neste enlace.

lunes, 18 de octubre de 2010

RESULTADOS DA 7ª XORNADA DA LIGA DA COSTA

Puenteceso 1 - Sofán 2

Carnota 1 - Club do Mar 1

Camariñas 4 - Muros 1

San Lorenzo 2 - Dumbría "B" 3

Esteirana 0 - Buño 1

Baio 3 - O Pindo 1

Castriz 0 - Corme 1

Fisterra 3 - Porteño 1

LIGA DA COSTA 7ª XORNADA: MALPICA 5 - VIMIANZO 0

SCD MALPICA: Suso, Charlie (M. Dourado min.60), Marcos Amado, Víctor, Iago (Marco min.46), Eloy, Neucha (Carlitos min.69), Casais, David Blanco, Cheo, Andrés (Manu Pardo min.58).

SDU VIMIANZO: Damián, Martín, Amarelle, Camilo, Iván de Treos, Sergio Quintáns, Arán (Maicol min.62), Iván de Baiñas (Mario min.60), Javi (Vilaseco min.72), Manacas, Rafa (Diego min.57).

Árbitro: Vázquez Expósito. Tiva unha actuación regular, pois sempre se mantivo moi lonxe das xogadas, o que provocou que cometese graves erros de apreciación. Tampouco estivo moi acertado á hora de sacalos cartóns amarelos. Houbo dúas xogadas polémicas: 1.- Na primeira metade indica penalti a prol do Malpica por mans, o que foi protestado polos visitantes, a pesar de que foi bastante evidente. 2.- Na segunda metade non sinala un penalti a favor dos malpicáns tras unha clara falta sobre David Blanco.

Ambiente e Incidencias: Sobre unhas 100 persoas na Pedra Queimada. Tarde soleada pero cun vento moderado que dificultaba o control do esférico. Non houbo nin lesionados de gravidade nin expulsados.

Goleadores: 1-0 min. 14: Boa xogada individual de Cheo pola banda dereita, que culmina dende o lateral da área cun forte disparo raso que se cola polo primeiro pao. 2-0 min.16: Penalti transformado por Neucha de forte tiro raso que da no pao esquerdo da meta defendida por Damián antes de entrar. 3-0 min.33: Fenomenal contragolpe dos locais que inicia o gardameta Suso sacando rápido cara Cheo, este envía o balón cara David que realiza unha boa xogada por banda dereita e cede outra vez para Cheo, que só ten que empurralo esférico en boca de gol. 4-0 min.59: Gran pase en profundiade de Manu Pardo sobre David Blanco que fai o cuarto de disparo cruzado. 5-0 min.72: Manu Pardo controla o balón a altura do mediocampo, fai un "caño" e lanza un preciso tiro que se cola pola escadra dereita, anotando un auténtico golazo.

Comentario: Despois de catro empates consecutivos, a SCD Malpica recibía na Pedra Queimada ó Vimianzo (conxunto que lle sacaba un punto ós malpicáns antes do encontro) coa intención de conseguila segunda vitoria da tempada e seguir coa boa xeira de resultados como local. Eran baixas nos locais o defensa Viña (lesionado de longa duración) e os mediocentros Ismael e Martín, ámbolos dous por problemas musculares. Os xogadores adestrados por Manuel Agilda saíron moi enchufados ó partido, conscientes de que a vitoria na tarde de onte era moi importante, e apenas deron opción ós visitantes na primeira metade. A pesar do forte vento e que lles daba de cara, conseguiron circulalo esférico con criterio, aproveitando a movilidades dos seus xogadores de ataque. Moi importante foi tamén a orde defensiva cando tocaba recuperalo balón, pois a boa presión de todo o equipo fixo que, practicamente, Suso pasase desapercibido. Ademais dos goles, destacaron outras dúas claras ocasións para o Malpica nos primeiros 45 minutos: un tiro de David Blanco que sae excesivamente cruzado, e un man a man de Cheo que atalla Damián. Polo que atinxe ó Vimianzo, mostrouse moi desacertado en defensa, e en ataque só dispuxo dunha ocasión, preto do descando e a balón parado, despois dunha falta botada por Arán que chapou Suso cunha bonita estirada.

Na segunda parte, e co partido sentenciado, o ritmo de xogo baixou bastante, pois os locais dedicáronse a "nadar e gardala roupa" e os visitantes a capealo temporal coa maior honra posible. Así, o Malpica mostrouse un pouco máis irregular no seu xogo, alternando grandes xogadas (especialmente polas bandas) con imprecións froito da relaxación, pero sen pasar apuros en ningún momento, dando a sensanción de telo partido totalmente controlado en todo momento. A pesar de baixar "unha marcha", os locais tiveron ocasións de sobra para lograr unha goleada de escándalo, destacando: un disparo de David Blanco que dou no longueiro; un cabezazo do mesmo protagonista en boca de gol que petou no seu compañeiro Dourado; un remate de cabeza, tamén en boca de gol, de Carlitos que marchou alto; e un man a man no que Damián lle gañou a partida a David. O Vimianzo non tirou entre os tres paos durante os segundos 45 minutos, e non deixou moi boas sensacións na tarde de onte. Sen embargo, hai que agradecela súa deportividade e comportamento exemplar, sen un mal xesto nin entradas duras.

Por fin se rompeu a racha de cinco partidos sen gañar do Malpica, e ademais de xeito espectacular, e de paso, acabou co gafe de cara a gol. Oxalá que tras este encontro os malpicáns gañen en confianza que dea lugar a unha xeira positiva de resultados para seguir escalando na clasificación. A vindeira semana haberá derbi, xa que a SCD xoga contra o Buño, que retorna á Liga da Costa tralo seu paso pola terceira rexional.

viernes, 15 de octubre de 2010

PREVIA

Este fin de semana xógase a séptima xornada da Liga da Costa:

- Domingo 17 de outubro, SCD Malpica - Vimianzo, ás 16:30 horas, na Pedra Queimada.

lunes, 11 de octubre de 2010

RESULTADOS DA 6ª XORNADA DA LIGA DA COSTA

Club do Mar 0 - Camariñas 1

Carnota 0 - Baio 0

Muros 1 - Castriz 1

Corme 2 - Ponteceso 4

Sofán 3 - San Lorenzo 2

Vimianzo 2 - Esteirana 5

Buño 0 - Fisterra 0

Porteño 3 - O Pindo 1

LIGA DA COSTA 6ª XORNADA: DUMBRÍA "B" 0 - SCD MALPICA 0

CF DUMBRÍA “B”: Anxo, J. Carreira, Samuel, David Carreira, Pablo Casais, Tantán, Poyo (Carlos min. 87), Chucho, Pablo Lestón (Ivanete min. 77), Sergio Cives, Josiño (Fernando min. 59).

SCD MALPICA: Víctor Martínez, Charlie, Marcos Amado (Carlitos min. 88), Víctor, Iago, Eloy, Neucha, Cheo (Manu Pardo min. 46), David Blanco, Andrés (Casais min. 68), Ismael (Miguel Dourado min. 63).

Árbitro: Rama Cotelo. Tivo unha actuación bastante discreta, sempre estivo ben situado pero cometeu algún erro de apreciación que provocaron as protestas de ámbolos dous conxuntos. A xogada polémica sucedeu no minuto 80, cando o malpicán Neucha foi derribado na área local tras unha zancadilla; os visitantes reclamaron penalti, pero o colexiado non no indicou a pesar de que fixo o amago de pitar.

Ambiente e Incidencias: Pobre entrada no Conco, cunhas 75 persoas no campo. Tarde con temperatura agradable e sen choiva durante o encontro. Non houbo cartóns vermellos. Tampouco houbo que lamentar lesionados de gravidade. Destacalo debut do gardameta en idade xuvenil Víctor Martínez no Malpica.

Comentario: Volvía a SCD Malpica ó Conco, campo con recordos enfrontados para os malpicáns, pois se ben foi escenario dunha semifinal histórica de Copa da Costa despois de 13 anos, o alí acontecido hai uns poucos meses deixou unha sensación de impotencia e rabia (tanto polo resultado, 3-0, como pola actuación arbitral naquel partido). Nesta ocasión o rival era o filial do Dumbría, conxunto debutante na Liga da Costa. Para esta sexta xornada de campionato, o adestrador do Malpica, Manuel Agilda, tíña as baixas de Viña (lesionado de longa duración), Marco (por motivos persoais) e do gardameta Suso (por razóns laborais). Na primeira metade, o conxunto azulón entrou ben organizado no campo, coas líñas xuntas, e tentando sair rápido para aproveitalos espazos que quedaban ás costas da adiantada defensa local, algo insegura na tarde de onte. Se ben nos derradeiros minutos desta parte perderon un pouco "o norte" por preocuparse máis do colexiado que do propio encontro. O Malpica dispuxo das mellores ocasións, destacando tres moi claras: un disparo desviado de Neucha cando o porteiro local se atopaba fóra da meta nunha mala saída; un man a man de David Blanco que manda fóra despois dun gran pase en profundiade de Eloy; e outra ocasión de David que non logra controlar ben un pase ó espazo e que o porteiro local consegue despexar "in extremis" tras outra saída un tanto alocada. Polo que atinxe ó Dumbría "B", é de agradecer a súa intención de sacalo esférico controlado, pero apenas conseguía chegar a área visitante, e non dispuxo de oportunidades, salvo nalgún balón parado.

No segundo período, a tónica do encontro foi un pouco a mesma, cun Malpica dominador da posesión do esférico, pero cun Dumbría "B" algo máis encerrado. Sen embargo, o xogo desplegado polo coxunto costeiro foi un tanto irregular, alternando boas xogadas combinativas con outras precipitadas. Quizáis faltou un pouco de profundidade polas bandas, xa que apenas se creou perigo por esta vía. Nestes segundos 45 minutos tamén contou a SCD con varias oportunidades de gol, destacando de novo tres: un man a man desperdiciado por David Blanco ó cruzar en exceso o balón; un tiro dende o pico da área do propio David que se marchou fóra; e un cabezazo de Carlitos xa no tramo final que se marchou alto. O Dumbría "B" atopou algún espazo máis, pois o Malpica arriesgou e moitas veces quedaban os dous centrais cos dous dianteiros, pero tampouco lograron boas ocasións, destacando a potencia no xogo aéreo Sergio Cives.

Novo empate da SCD Malpica, que xa suma catro seguidos. Non consegue o conxunto malpicán rompelo meigallo de cara a porta, pois en case tódolos partidos teñen boas oportunidades pero que non se materializan. Así, nos últimos 5 encontros só suman 4 goles a favor (e dous deses catro foron a balón parado). Se ben a nota positiva é a solidez defensiva, xa que unicamente encaixaron 5 goles nos 6 partidos disputados (e deses cinco, tres claramente concedidos de xeito irregular). Esperemos que a vindeira semana por fin consigan "abrila lata" e lograr unha vitoria que lles dea unha maior tranquilidade.

viernes, 8 de octubre de 2010

PREVIA

Sexta xornada da Liga da Costa:

- Domingo día 10 de outubro, ás 16:30 horas: Dumbría "B" - SCD Malpica, no Conco.

jueves, 7 de octubre de 2010

lunes, 4 de octubre de 2010

RESULTADOS DA 5ª XORNADA DA LIGA DA COSTA

Camariñas 1 - Carnota 1

Ponteceso 4 - Muros 1

San Lorenzo 4 - Corme 3

Esteirana 0 - Dumbría B 1

Fisterra 2 - Vimianzo 1

O Pindo 2 - Buño 2

Baio 3 - Porteño 3

Castriz 1 - Club do Mar 1

LIGA DA COSTA 5 ª XORNADA: MALPICA 1 - SOFÁN 1

SCD MALPICA: Suso, Charlie, Marcos Amado, Víctor, Iago, Ismael, Casais (Neucha min. 46), Cheo, David Blanco, Andrés (Miguel Dourado min. 62), Eloy (Manu Pardo min. 46),

SD SOFÁN: Costa, Roberto Souto, Diego, Alberto Pensado, Juanjo, Alemán, Jacobo, Mario, Luís, David Pensado, Bertín (Adrián min. 69).

Árbitro: Juan Alberto Blanco Bravo. Pésima arbitraxe a súa na tarde de onte. Fatal á hora de sacalos cartóns amarelos, pois non tivo un criterio claro en ningún momento, lamentable a súa condición física (que provocou que seguise o xogo dende moita distancia) e penoso nas xogadas polémicas, pois sempre errou en contra do Malpica: concede gol ó Sofán cando Jacobo está en claro fóra de xogo; na recta final do partido "comiuse" un penalti de Alberto Pensado a Neucha cando este encaraba só a meta rival; e co tempo case cumprido anuloulle un gol ós malpicáns por presunta falta de Cheo ó gardameta local no saque dun córner, algo que só viu el, pois foi o propio porteiro do Sofán o que introduce o balón na súa portería tras intentar despexar de puños (feito que reconoceron varios dos xogadores visitantes). Unicamente tivo un acerto: o gol anulado a David Blanco por fóra de xogo no minuto 15. Tras esta "actuación", queda en evidencia a decadencia do nivel do arbitraxe na Liga da Costa, algo que os responsables federativos deberían de comezar a resolver.

Ambiente e Incidencias: 100 valentes foron os que acudiron á Pedra Queimada, nunha tarde gris, con moito vento e choiva. Non houbo expulsados. No apartado de lesións, o xogador local Andrés abandonou o campo con molestias nun nocello.

Goleadores: 0-1 min. 24: Rexeite do Malpica tras un balón parado, o esférico cáelle a Bertín que mete un pase en profundidade dende a esquerda, á espalda da defensa malpicán, cara Jacobo que estaba só no segundo pao en evidente fóra de xogo, éste controla, acomoda o balón e bate a Suso de tiro cruzado. 1-1 min. 56: Hai unha serie de rexeites na frontal da área do Sofán sen que nadie atine a resolver con claridade, nun dos rexeites o balón sae cara a media lúa, alí está Ismael, que controla libre de marca e anota "á reviravolta", tras un tiro que entrou pegado ó pao dereito de Costa, facendo estéril a estirada do gardameta.

Comentario: Neste primeiro fin de semana de outubro, a SCD Malpica recibía na Pedra Queimada a un dos favoritos da Liga, á SD Sofán, que ten nas súas filas a dous vellos coñecidos con pasado "azul": Varela e Diego. Os dous conxuntos buscaba a vitoria despois dunha derradeira xornada nada boa para ningún deles. O adestrador local, Manuel Agilda, contaba con dúas baixas na parcela defensiva: o capitán Marco (por cuestións persoais) e Viña (lesionado nun xeonllo). O partido estivo condicionado na primeira metade polas condicións climáticas e polo estado do terreo de xogo, xa que había un forte vento e o campo estaba encharcado pola choiva que caera durante as horas previas (ainda que durante o encontro non choveu), facendo case imposible o xogo combinativo. Saiu centrado o Malpica, xuntando ben as líñas á hora de defender, recuperando moitos balóns no medio do campo, e sen complicarse en defensa, o que provocou que o Sofán apenas tirara entre os tres paos durante o encontro. Non obstante, as condicións do terreo de xogo fixeron que se abusase dos balóns longos, tentando gañarlle a partida a unha defensa sofanista que tivo algúns erros claros, pero a rapidez que adquiría o esférico tras contactar co piso facía moi complicado o seu control. Destacaron as internadas de Cheo pola banda dereita, pero os seus centros non atoparon rematador. Non houbo ocasións claras de gol, pero si moitas aproximacións perigosas á área visitante; sen embargo, ademais do gol anulado a David Blanco, destacaron dous remates do mesmo protagonista: un remate de cabeza que despexou o gardameta local e un disparo dende fóra da área que saiu rozando o pao dereito. Por parte do Sofán, destacar un tiro dende a frontal de Bertín no min. 5 tras unha xogada individual que detivo Suso.

Tras unha primeira metade onde predominou o xogo directo e onde ningún dos dous conxuntos logrou impoñerse con claridade, no segundo tempo o terreo de xogo foi a mellor notablemente e o xogo fíxose máis fluído. A SCD Malpica, a pesar de telo vento en contra, foi o gran dominador nos segundos 45 minutos, levando o peso do partido e coa clara intención de remontar (como mostran os trocos realizados, pois os tres homes máis ofensivos dos que dispoñía M. Agilda entraron xa no descanso ou no primeiro cuarto de hora). O Sofán apenas lograba sair da súa metade de campo, mostrándose superado pola presión local e pola velocidade dos atacantes malpicáns. Sen embargo, a falta de definición e os erros clamorosos do colexiado, provocaron que o empate fose o resultado final. Houbo oportunidades claras mara o Malpica: un tiro desviado de Charlie dentro da área tras unha xogada persoal pola banda dereita; un man a man de David Blanco ante Costa despois dun bo pase en profunidade de Manu Pardo; un balón que quedou morto á áltura do punto de penalti tras centro dende a dereita; e un centro de Neucha dende a banda esquerda ó que Dourado non chega por pouco cando estaba só no segundo pao. Polo que atinxe ó Sofán, apenas creou perigo sobre a área local, limitándose a acumular xente atrás e sen lograr mantela posesión do esférico. Non obstante, dispuxeron dunha boa ocasión tras un saque do gardameta Costa que chegou ás botas de David Pensado que rematou fóra tras un exceso de confianza da zaga local.

Outro empate do Malpica (van tres en cinco xornadas), pero que deixa sensacións moi diferentes o da semana pasada, pois o conxunto costeiro mereceu gañar con claridade, pero a lamentable actuación do árbitro nono permitiu. Esperemos que a actitude e a boa imaxe mostradas onte sexan a tónica dos vindeiros encontros, pois de seguro que xogando así chegarán mellores resultados. A vindeira semana, a SCD enfróntase ó Dumbría "B", equipo recén ascendido e que debuta na Liga da Costa.

viernes, 1 de octubre de 2010

PREVIA

Nova xornada da Liga da Costa 2010:

- Domingo 3 de outubro, ás 16:30 horas: SCD Malpica - Sofán, na Pedra Queimada.

domingo, 26 de septiembre de 2010

RESULTADOS DA 4ª XORNADA DA LIGA DA COSTA

Vimianzo - O Pindo (non se xogou).

Club do Mar 2 - Ponteceso 0

Camariñas 1 - Baio 2

Carnota 0 - Castriz 1

Muros 2 - San Lorenzo 2

Sofán 2 - Esteirana 4

Dumbría B 0 - Fisterra 2

Buño 1 - Porteño 0

LIGA DA COSTA 4ª XORNADA: CORME 1 - MALPICA1

CORME CF: Suso, Adolfo, Martinciño, Rafa Valiña, Pandi, Diego, Martín (Gonzalo min. 87), Alejandro, Iago, Lucas, Alejo (Abel min. 77).

SCD MALPICA: Suso, Charlie, Víctor, Marco, Iago, Ismael, Neucha, Eloy (Martín min.76), David Blanco, Manu Pardo (Cheo min. 67), Miguel Dourado (Carlitos min.63).

Árbitro: David Brun. Tivo unha actuación bastante correcta, pois non houbo grandes xogadas conflictivas salvo en dúas accións puntuais: na primeira metade, os malpicáns reclamaron penalti por unhas presuntas mans de Rafa Valiña, e na segunda os locais protestaron por outras presuntas mans de Víctor.

Ambiente e Incidencias: Tarde despexada no Cairo, pero cun moderado vento que tivo certa influencia no xogo. Non houbo expulsados. No apartado de lesións, o xogador do Corme Alejo tivo que ser sustituído preto do final do encontro cun esquince de nocello.

Goleadores: 0-1, min. 33: Saque de esquina a prol do Malpica dende a banda dereita, o centro de Neucha é rexeitado pola defensa cormelán en primeira instancia, pero o esférico cáelle a Manu Pardo que dende o pico da área anota cunha gran volea sen deixar que o balón toque no chan..1-1, min. 55: Outro saque de esquina dende o mesmo sitio que deu lugar ó gol do Malpica, esta vez a favor do Corme, Rafa Valiña saca a media altura e moi forte, Charlie intenta despexar pero só lle da tempo a rozalo balón levemente, aparecendo dentro da área pequena Alejandro para marcar de cabeza sen oposición.

Comentario: Partido atractivo o que enfrontaba a dous conxuntos que se caracterizan pola calidade dos seus homes de ataque, e presumiblemente igualado pois chegaban empatados na clasificación con 4 puntos en tres xornadas. Para esta cita, os malpicáns contaban coas baixas de Viña, Marcos Amado (os dous lesionados) e de Casais (por sanción); tamén estaban "tocados" Cheo e Andrés, ainda que os dous estaban na convocatoria. No primeiro período, os xogadores adestrados por Manuel Agilda saíron moi concentrados ó terreo de xogo, ben organizados a nivel defensivo, presionando con criterio e levando constante perigo, ainda que quizáis lles faltou algo de fluidez á hora de combinar, pero lograron impoñerse con claridade e apenas lle concederon opcións ó Corme. De entre as múltiples ocasións do Malpica, destacaron un cabezazo de Ismael ó longueiro tras despexar Suso; un disparo de Manu Pardo dende uns 25 metros que sacou con moitísimos apuros o gardameta local, caéndolle o balón a Miguel Dourado que tira alto dende o borde da área pequena; unha xogada individual de David Blanco que culmina cun disparo que saiu fóra por pouco; e un tiro cruzado de Neucha que tamén foi fóra por pouco. Polo que atinxe ós locais, mostráronse algo apáticos nestes primeiros 45 minutos, e con algún erro de bulto en defensa, mentres que en ataque tiveron unha boa ocasión por medio de Iago que marrou un man a man.

Na segunda metade, volveu a aparecer o Malpica das "dúas caras", pois o decorado do encontro cambiou radicalmente, como se os dous equipos invertisen os papeis. Así, a SCD perdeu o control do partido, non foi quen de apenas tela posesión do balón nin de movelo con criterio, e apreciouse un claro baixón de intensidade en moitas fases destes segundos 45 minutos. O feito que pon en evidencia tal situación foi o número de oportunidades de gol, pois apenas dispuxeron de dúas: un tiro cruzado de Miguel Dourado dende a dereita da área, e un tiro bombeado de Ismael dende a esquerda que saiu rozando a escadra da meta local. Pola súa parte, o Corme sen facer nada do outro mundo, logrou impoñerse no mediocampo e comezaron a aparecer os seus homes máis perigosos, desaparecidos durante a primeira metade, ante un equipo visitante que sempre ía cunha marcha menos. Crearon perigo a balón parado (pois dispuxeron de varios saques de esquina e faltas próximas a área) e tiveron dous ou tres tiros perigos que sacou ben Suso.

Se en contendas precendentes foron erros arbitrais os que privaran ós malpicáns de poder obter máis puntos, na tarde de hoxe foron erros propios os que propiciaron un empate nun partido que o Malpica tivo nas súas mans e visto para sentencia na primeira parte. Dúas conclusións principais se poden sacar: 1ª, os partidos hai que "matalos" cando se teñen as oportunidades para facelo; e 2ª, no momento en que aparecen a relaxación e a desorganización calquera conxunto da categoría che fai un roto. Para deixar atrás o mal sabor de boca de hoxe e a mala xeira de resultados (suman tres xornadas sen gañar), a SCD recibe a vindeira semana a un dos "gallitos" da liga, o Sofán (lembremos que a tempada pasada rematou na terceira posición).