LIGA DA COSTA 24ª XORNADA: SCD MALPICA 4 - SOFÁN 2

SCD MALPICA: Suso, Miguel Avelino, Víctor, Andrés, Marco, Rancaño, Neucha (Manu Pardo min.77), Cheo (Iago min.83), Pablo (Marcos Amado min.62), Tato, Charro (Dani min.71).

SD SOFÁN: Richard (Luis de la Peña min.46), Adrián, Diego (Juanjo min.62), Miniño, Juan Rabuñal, Alberto Pensado, Gurita (Jacobo min.46), Suso Docampo, Berti (Víctor Docampo min.60), Iván Rey, Abel (Edu min.46).

Árbitro: Guerra Domínguez. Boa actuación, sen complicarse a vida nun encontro onde apenas houbo xogadas conflictivas. Non houbo expulsados.

Incidencias: Tarde soleada e cunha temperatura agradable na Pedra Queimada. Uns 125 espectadores presenciaron o encontro. Non houbo mancados de gravidade.

Goles: 1-0 (min.18): Centro-chut de Cheo dende a banda dereita que se cola preto da escadra dereita da portería defendida por un sorprendido Richard. 2-0 (min.26): Neucha recolle un rexeite tras unha acción de Charro marcando coa esquerda dende o corazón da área. 3-0 (min.56): Falta dende o borde da área executada maxistralmente por Neucha por encima da barreira. 3-1 (min.61): Centro dende a esquerda de Suso Docampo cara Víctor Docampo que se adianta á defensa e remata dende o borde da área pequena tras dar no pao. 4-1 (min-62): Ao pouco de sacar de centro, Cheo penetra pola dereita, envía un centro a media altura que Adrián introduce na súa propia portería ao intentar despexar. 4-2 (min.67): Pase en profundidade que recibe Suso Docampo e anota no man a man.

LIGA DA COSTA 23ª XORNADA: CAMARIÑAS 1 - SCD MALPICA 1

CAMARIÑAS CF: Pombo, Paco (Manuel min.50), De la Sierra, Ogando, Dyango, Moriño, Brais, David (Adrián min.78), Leo, Juan o Bello, Javi.

SCD MALPICA: Suso, Charlie, Miguel Avelino (Marcos Amado min.78), Andrés, Marco, Rancaño, Neucha, Cheo, Pablo, Tato, Charro (Manu Pardo min.63).

Árbitro: Martínez Rodríguez. Regular. Se ben estivo atinado á hora de sacar cartóns errou en varios fóras de xogo que perxudicaron a ámbolos dous conxuntos. Os malpicáns reclamaron falta de Javi a Charlie no gol local. Foron expulsados os locais Ogando (min.83) e De la Sierra (min.87) e o visitante Charlie (min.78), os tres por doble amonestación. Tamén foi expulsado o adestrador da SCD David Baña por protestar no min.78.

Incidencias: Tarde despexada pero moi fría e con vento que condicionou o xogo en determinadas accións (sobre todo na primeira metade). Uns 100 espectadores presenciaron o encontro. Os malpicáns Charro e Miguel Avelino tiveron que retirarse antes de tempo por diversos problemas físicos.

Goles: 1-0 (min.57): Falta a prol do Camariñas, os locais executan unha falta ensaiada na que Brais recibe en profundidade na posición de extremo dereito, apura a líña de fondo e centra ao segundo pao onde aparece Javi para rematar de cabeza en boca de gol arroiando a Charlie que trataba de despexar. 1-1 (min.86): Cheo recibe un pase en profundidade, gáñalle as costas á defensa local e plántase ante Pombo anotando de tiro raso.

LIGA DA COSTA 22ª XORNADA: SCD MALPICA 2 - BAIO 1

SCD MALPICA: Suso, Charlie, Miguel Avelino, Iago, Marco, Rancaño, Neucha (Charro min.71), Cheo, Tato, Pablo (Manu Pardo min.81), Andrés.

CD BAIO: Manuel, Matías (Fredy min.90), José Antonio, Iván (Bieito min.81), Mario, Ramón, Martín MC, Javi Suárez, Canay, Alberto (Rubio min.85), Eloy (Fachal min.70).

Árbitro: Melián Otero. Mal. Sempre contemplou o xogo dende moi lonxe e mostrouse reacio á hora de sacar cartóns en varias faltas que semellaban merecedoras de tarxeta. O Malpica reclamou unha posible falta de Javi Suárez sobre Suso na acción do gol visitante e tamén un penalti sobre Pablo na primeira metade cando o dianteiro se dispoñía a rematar no corazón da área. Non houbo expulsións.

Incidencias: Tarde despexada, fría e con un vento forte que condicionou o xogo. Boa entrada na Pedra Queimada, cuns 200 espectadores que se mostraron moi activos durante os 90 minutos. O xogador do Baio Alberto tivo que abandonalo terreo de xogo no min.85 ao sufrir mareos tras un choque fortuíto co malpicán Cheo.

Goles: 0-1 (min.21): Centro de José Antonio dende a banda esquerda cara o segundo pao, o gardameta local Suso semella que atalla o esférico pero Javi Suárez choca con el aproveitando que o balón queda morto para anotar. 1-1 (min.51): Centro de Cheo dende a banda dereita á altura do punto de penalti, o porteiro Manuel choca con Tato intentando despexar pero erra na súa saída, caéndolle o balón a Neucha que estaba libre de marca no segundo pao que anota a pracer. 2-1 (min.64): Saque de esquina que bota Rancaño dende a esquerda, a defensa do Baio non consegue despexar, Pablo controla no segundo pao e marca de tiro cruzado.

PRENSA

Anxo Garrido entrevista en quepasanacosta.com aos adestradores da SCD Malpica e do Cee xuvenís, Piña e José Carlos respectivamente. Aquí se pode ler.

LIGA DA COSTA 21ª XORNADA: O PINDO 0 - SCD MALPICA 1

O PINDO: Garrido, Diego Trillo, Juan Vilela (Bicho min.81), Lolo, Juan de Dios, León, Eloy, Manolito (Ángel min.80), Diego Riolo (Carlos min.46),Carlos Leis, Pato.

SCD MALPICA: Suso, Charlie, Víctor, Iago, Marco, Rancaño, Neucha (David Álvarez min.90), Cheo, Charro (Miguel Avelino min.85), Tato (Daniel Varela min.88), Pablo (Marcos Amado min.75).

Árbitro: España Andrade. Mal. Estivo moi caseiro durante todo o encontro (especialmente durante a primeira metade) onde se deixou influenciar polos xogadores locais e sen criterio á hora de amosar cartóns amarelos. Anuloulle dous goles á SCD Malpica, o primeiro deles a Pablo por un fóra de xogo non existía. Preto do descanso sinalou penalti a prol do Pindo por unhas mans involuntarias de Tato cando se atopaba formando parte da barreira nun lanzamento de falta. Non houbo expulsados.

Incidencias: Tarde soleada e cunha temperatura bastante agradable en Lombáns. Moi pouco público asistiu ao partido, cuns 25 espectadores. Non houbo lesionados de gravidade.

Goles: 0-1 (min.28): Centro de Cheo dende a banda esquerda cara o primeiro pao onde aparece Pablo que se adianta á defensa e ao gardameta locais para anotar de cabeza.

EXPOSICIÓN

Na Facultade de Ciencias da Educación da Universidade da Coruña estase a celebrar unha exposición que ten á SCD Malpica como protagonista. Estará aberta ao público de xeito gratuíto ata o vindeiro 14 de febreiro en horario de 10:00 a 21:00 horas. A iniciativa lévase a cabo gracias a Héctor Pose, coautor (xunto con Luis Porto) do libro sobre a historia da SCD Malpica.

En webs como quepasanacosta.com ou piratasdemuxia.es amplian esta información.
http://www.quepasanacosta.com/?p=12658
http://www.piratasdemuxia.es/novas/index.php?name=News&file=article&sid=5886