lunes, 21 de diciembre de 2009

PORTEÑO 1 - MALPICA 2

CF Porteño: Asier; Castiñeira, (Toja min. 80), Roberto, Iago, (Baña min. 87), Valeiro, Miguel Ángel, Óscar, Robertito, Iván, (Jesús min. 69), Juan Carlos, Varela.

SCD Malpica: Toni; Víctor, Marcos Amado, Iago, Marco, Casais, (Martín min. 84), Neucha, Eloy, (Manu Pardo min. 61), David Blanco, Charlie, Rancaño, (Brais min. 85).

Árbitro: Sr. Sánchez Rojo. (A Coruña). Aínda que a súa actuación non tivo unha influencia directa no resultado final, si foi bastante caseira, pois o listón non foi o mesmo para os dous conxuntos, permitindo moitas faltas dos locais que, ou ben non eran sinaladas, ou cando si as pitaba non levaban consigo unha tarxeta merecida en varias ocasións. Sen embargo, a SCD Malpica acabou con moitas amarelas en relación coas faltas cometidas.

Goleadores: 1-0, (min 75): Saque de banda a prol do Porteño que cabecea o central Valeiro na frontal da área pequena. 1-1, (min. 80): Manu Pardo bota unha falta lateral que David Blanco que cabecea, pero o seu remate é rexeitado debaixo na liña pola defensa local, pero o propio David consegue anotar tra-lo rexite. 1-2, (min. 84’): gran xogada do mediocentro malpicán Rancaño pola banda dereita que culmina nun centro raso á área local que remata David Blanco no segundo pao.

Ambiente e Incidencias: Tarde despexada pero fría, especialmente na segunda metade. Pouca xente no campo, uns 70 espectadores.

Comentario: No último partido do ano para a SCD Malpica, o conxunto de Manuel Agilda viaxa ata a Ponte do Porto para enfrontárse ao Porteño no campo da Grixa. Os malpicáns chegaban a esta 16ª xornada de liga coas numerosas baixas, por diferentes motivos, de Cheo, Ismael, Busto, Carlitos, Andrés e Alfredo II. Nos primeiros 10 minutos de encontro o Porteño saíu moi enchufado e creou perigo mediante xogadas a balón parado. Non obstante, co paso dos minutos o Malpica logrou impor a súa maior calidade no medio campo, tendo a posesión do esférico e combinando moi ben os tres mediocentros (Charlie, Eloy e Rancaño), o que permitio tirar varias veces dende a frontal da área e crear sensación de perigo constante. Destacaron as ocasións de Casais que non acerta e definir dentro da área tras un rexeite do gardameta Asier; o remate do central Iago tras un córner botado de Neucha; e varias faltas botadas por Neucha. A presión defensiva tamén foi mellorando, obligando a que os locais abusaran do xogo en longo que apenas creou dificultades defensivas ao Malpica; non obstante, cabe mencionar un disparo aó longueiro do Porteño neste período.

Na segunda parte, o partido entrou nun "intercambio de golpes" continuo, pois houbo moitas ocasións para ámbolos dous equipos. Feito favorecido polas peculiares características do campo da Grixa, xa que as reducidas dimensións (sobre todo no ancho) e o firme, provocan que cada saque de falta ou saque de banda en campo contrario sexan ocasións de gol. A pesar de todo, a SCD Malpica intentou seguir sendo fiel ao seu estilo de xogo, pero sen lograla claridade que si conseguira nos últimos 25 minutos da primeira metade, e tivo varias oportunidades de gol, sobre todo por medio das internadas de David Blanco, Neucha e Rancaño. Pola súa banda, o Porteño intentaba aproveitar as xogadas de estratexia, e tamén contou con boas ocasións, ademáis de estrelar outros dous disparos nos paos. Tra-lo 1-0, os visitantes apretaron moito e conseguiron a remontada, logrando aguantalo resultado nos minutos finais do encontro.

Importante victoria da SCD Malpica nun campo que, tradicionalmente, se lles dá bastante mal, nun partido igualado e moi intenso, pero no que os malpicáns aportaron máis argumentos futbolísticos e contaron coas mellores ocasións de gol. É de resaltala entrega dos xogadores do Malpica, que nunca deron o encontro por perdido e non baixaron os brazos a pesar de atoparse cun gol en contro a falta de tan so 15 minutos para o final. Despois desta xornada, a SCD suma 10 puntos dos últimos 12 en xogo e ascenden un posto na táboa clasificatoria (son cuartos agora). A próxima xornada, na que se enfronta ó Esteirana na Pedra Queimada (o domingo 3 de xaneiro), será a última da primeira volta e a primeira do ano 2010, que esperemos comece como rematou este 2009.

miércoles, 16 de diciembre de 2009

ENTREVISTA A JOSÉ CARLOS RODRÍGUEZ (CHARLIE).

Hoxe entrevistamos ao polivalente xogador Charlie (Pazos, 1985), que leva na SCD Malpica dende o verán do 2007. Tras uns comezos difíciles debido ás lesións, pouco a pouco fóise asentando no equipo e este ano vive a sua mellor campaña, tanto dende o punto de vista deportivo como persoal (é titular habitual).

Traxectoria: Dende infantís ata a tempada 2005-06 xogou no Ponteceso FS, pasando por varias divisións: Autonómica, Nacional B e Nacional A. Entre os anos 2006 e 2008 estivo no Autos Pombo de fútbol sala en Autonómica, e comezou a xogar ao fútbol campo na tempada 2007-2008 na SCD Malpica (nesta tempada compaxinou o fútbol sala co fútbol campo).

Pregunta: Comezáches a xogar ao fútbol campo con 22 anos, ¿porqué tan tarde?

Resposta: Dende moi pequeno, sempre xoguei ó fútbol sala e sentíame moi cómodo, polo que nunca tiven moito interés en probar ó fútbol campo. Sen embargo, o feito de que o equipo no que sempre xogara (Ponteceso FS) desaparecese e con el as posibilidades cercanas para seguir en fúbol sala federado, decidín probar no Malpica, donde xa coñecía a bastantes xogadores.

P: Eres un dos xogadores que xogou en máis posicións, ¿en cál te sintes máis cómodo?

R: Fáltame probar na portería (risas), pero das que xoguei ata o momento posiblemente me quede coa dos últimos partidos, de mediocentro no 4-1-4-1 con Andrés por detrás. Ter un xogador como Andrés gardándoche as espaldas faino todo máis fácil. Sabes que vas contar coa súa cobertura en calquer erro defensivo que teñas e ó mesmo tempo permíteche acompañar máis en ataque descuidando un pouco a túa posición.

P: ¿Qué expectativas tes para esta tempada a nivel persoal?

R: Seguir disfrutando de minutos como ata agora e subir o meu nivel sobre todo no aspecto ofensivo, onde creo que podo dar bastante máis do que estou demostrando.

P: ¿Cál dirías que é o obxetivo do Malpica?

R: O primeiro salvar matematicamente a categoría, porque os dous últimos anos dinnos que se nos relaxamos nos pode ganar calquera. Si seguimos a este nivel, o noso sitio creo que está entre o 4º e o 7º clasificado da liga.

P: Na túa opinión e tendo en conta aspectos deportivos e non deportivos, ¿qué é o mellor da SCD Malpica? ¿e o peor?

R: O mellor claramente o grupo que hai, en especial este ano. É sen dúbida, un dos mellores vestuarios nos que xoguei. O peor, o frío que fai na Pedra Queimada especialmente en inverno.

P: Xa case rematou a primeira volta, ¿qué equipos víches cómo os máis fortes? ¿e con máis carencias?

R: Para min o Zas é o mellor equipo da categoría con diferencia. Intenta tocar o balón dende atrás, cousa que moi pouco equipos fan nesta liga e ten un ataque moi rápido, difícil de defender. Creo que se non se despista, nadie lle vai quitar esta liga. Despois o Xallas. Aínda que non o vin este ano, faláronme moi ben del os compañeiros. O ano pasado tiña un auténtico equipón do medio para arriba, pero estaba moi frouxo atrás e parece que é algo que este ano subsanaron, así que será o outro aspirante serio para o ascenso. O que vin con máis carencias foi claramente ó Lira, como di a clasificación; e se teño que decir algún máis, Monte Louro e Vimianzo, que contra nós non tiveron a súa mellor tarde precisamente.

Moitas gracias Charlie e esperamos que todo siga indo tan ben para ti.

lunes, 14 de diciembre de 2009

MALPICA 0 - CARNOTA 0

SCD Malpica: Abraham; Víctor, Marcos Amado, Iago, Marco, Casais, (Carlitos 80’), Neucha, Charly, David Blanco, Andrés, Rancaño, (Manu Pardo 77’).

UD Carnota: José Ángel; Tono, Jorge, Santi, Andrés, (David Caamaño 50’), Pedro, Cololo, Joselu, (Fernando 50’), Nico, (Teo 50’), Paco, Manoliño.

Árbitro: Sr. González Márquez (A Coruña). Boa actuación a súa durante a primeira metade, aínda que mostrou bastante permisividade nalgunha acción visitante. Sen embargo, no segundo período as cousas cambiaron por completo ao expulsar inxustamente ao mediocentro malpicán Andrés (min. 60), tras unha leve entrada a Cololo cando os dous mantiñan un pequeno pique. A partir desa acción o partido fóiselle das mans e foi incapaz de impor a sua autoridade. O resultado foi un carrusel de faltas, tarxetas e protestas dos xogadores. Non se pode decir que sucedese algo non esperado, posto que este colexiado (González Márquez) foi o mesmo que arbitrou en Carnota o ano pasado, co resultado de dous penaltys a favor do Carnota (inexistentes) e con tres expulsados malpicáns.

Ambiente e Incidencias: Un centenar de espectadores na Pedra Queimada. Tarde fría e con moito vento que imposibilitou un maior espectáculo futbolístico. Ademáis da vermella directa a Andrés (min. 60), tamén foi expulsado o visitante Teo por doble amarela (min. 78). Non houbo que lamentar lesionados de importancia.

Comentario: Cabía esperar un partido moi interesante na 15ª xornada da Liga da Costa na Pedra Queimada, posto que se enfrontaban o quinto clasificado e o cuarto. Por si fora pouco, os dous equipos chegaban "enrachados" á cita, xa que a SCD Malpica sumaba dúas goleadas consecutivas e a UD Carnota catro victorias seguidas. Os locais, que recuperaban ao central Iago despois de superala sua lesión muscular, contaban, como é (lamentablemente) habitual nas últimas xornadas, coas baixas de Cheo e Ismael, ás que se engadía a de Eloy. Os malpicáns desputaron unha primeira metade moi seria, tendo en conta que estaban en contra do vento, presionando moi ben aos mediocentros visitantes, que nunca poideron tocar con claridade. O resultado foi que o Carnota se limitou a enviar balóns longos que en ningún momento puxeron en apuros á defensa local. Hai que facer unha especial mención ao forte vento durante todo o encontro, que dificultou enormemente o control do esférico. Pola contra, o Malpica si creaba perigo, especialmente en xogadas individuais por ámbalas dúas bandas aproveitando a maior velocidade dos seus atacantes con respecto ós defensas visitantes, pero que non atoparon rematador dentro da área. Tamén se poideron adiantar a balón parado, tras un córner botado por Neucha que rematou fóra por pouco Iago (min. 32). O Carnota so tivo dúas ocasións neste período: nun rexeite do porteiro Abraham (min. 40) e nunha falta lateral (min. 45).

Na segunda parte, o dominio (na medida en que as circunstancias climatolóxicas o pemitiron) foi absoluto da SCD Malpica, posto que por parte dos visitantes so cabe apuntala ocasión do dianteiro Manoliño tras unha xogada individual ao pouco de reanudarse o encontro. Coa defensa local á altura do medio campo (agora estaban a favor do vento), estes 45 minutos desputáronse no campo do Carnota, pero a falta de precisión local e o reprego defensivo visitante provocaron que o marcador non se movese. Inclusive en inferioridade numérica durante 20 minutos non sufriron os malpicáns, que a partir da expulsión de Teo volveron a apretar, mentres que o Carnota tentaba que correra o tempo parando o partido con faltas e lesións finxidas. As ocasións máis destacadas (todas froito de lanzamentos de faltas ou de disparos dende fóra da área) foron as de Marcos Amado (min. 50), Neucha tras un pase en profundidade de Manuel (min. 81), Charly (min. 88) e Manuel (min. 90).

So a SCD Malpica tentou xogar ao fútbol neste partido, pero a falta de acerto e as condicións ambientais provocaron que non lograran marcar ningún gol. Pola súa contra, o Carnota debe mellorar moito se pretende pelexar polos postos de ascenso, xa que os recursos futbolísticos que mostraron foron máis ben escasos. O Malpica xa suma 26 puntos que lle permiten seguir na quinta posición da táboa clasificatoria, e sumando máis puntos como local (so unha derrota na terceira xornada fronte ó Zas). A vindeira semana o conxunto adestrado por Manuel Agilda desprazaráse ata o sempre difícil campo do Porteño (12º clasificado).

miércoles, 9 de diciembre de 2009

ENTREVISTA A DAVID BLANCO

Esta semana o protagonista na Liga da Costa foi o dianteiro David Blanco (Neaño, 1988), pois anotou nada máis e nada menos que catro goles ante o Monte Louro na 14ª xornada de competición, aos que hai que sumar os dous conseguidos a semana pasada na Pedra Queimada fronte ao Vimianzo (sumando un total de 12). David vive a súa segunda etapa na SCD Malpica tras estar cedido o ano pasado durante uns meses cando pertencia ao Sada.

Pregunta: ¿Marcaras algunha vez 4 goles nun mesmo partido?

Resposta: Xa había bastante tempo que non marcaba catro goles nun mesmo partido, senon lembro mal foi en xuvenís a última vez que marquei catro.

P: Xa levas 12 goles (a un dos pichichis Guillermo e Mané), ¿plantéxaste quedar pichichi ou é algo secundario para ti?

R: O do pichichi agora que aínda vamos pola primeira volta é algo secundario porque ata o remate da liga poden suceder moitas cousas, cando esteamos a acabala liga xa terei tempo para pensar niso aínda que vou facer todo o posible pa rematar entre os máximos goleadores e se podo ser o pichichi moito mellor.

P: Hai unhas semanas afirmáches no Depor Sport que o obxetivo do Malpica era a permanencia, ¿segues pensando o mesmo agora?

R: Si, sigo pensando niso aínda que para ese obxetivo xa falta moi pouco, se seguimos tendo os resultados que estamos tendo ata agora penso que o noso obxetivo a longo plazo pode cambiar. Sendo un pouco ambicioso diría que podíamos loitar por quedar entre os 5 primeiros da liga se os resultados nos acompañan coma ata agora.

P: O ano pasado xa xogaras unha boa parte da tempada co Malpica, ¿cáles pensas q foron os motivos do cambio radical do equipo?

R: O cambio tampouco o vexo moi radical, somentes que este ano estamos sendo máis grupo e cada un esta dando o mellor de si e por iso os resultados penso que están a acompañarnos mais co ano pasado.

P: ¿Crees que a SCD Malpica atopou o seu teito (marcha na cuarta posición) ou pensas que aínda pode progresar máis?

R: Como xa dixen anteriormente, o primeiro era a permanencia. O segundo paso penso que pode ser estar ahí arriba pelexando polos postos altos da clasificacion. Acabar entre os 5 primeiros este ano pode ser un bo ano para o Malpica.

P: A pesar da túa idade xa estiveches en varios equipos, ¿qué distingue ó Malpica doutros conxuntos?

R: Cada equipo é un mundo: directiva, xogadores...etc. Pero o que penso é que aquí o grupo de xogadores que o forman están mais agrupados que noutros equipos e hai un mellor ambiente nos entrenos, partidos...

So queda dárlle as gracias a David e desexárlle moita sorte para que siga coa súa xeira goleadora.

lunes, 7 de diciembre de 2009

MONTE LOURO 1 - MALPICA 6

Monte Louro: Roma; Canote, Pedro, Chema, César, Chumi, Alberto, (Raúl 59’), Pulpo, (Fran 41’), Juan, Edu, Riki.

SCD Malpica: Toni; Víctor, Marcos Amado, Alfredo II, Marco, (Brais 70’), Casais, Neucha, (Carlitos 55’), Charly, David Blanco, Andrés, (Manu Pardo 69’), Rancaño, (Eloy 65’).

Árbitro: Sr. Sande Bouzas. (A Coruña). Bastante ben. Só errou na apreciación de algún fora de xogo.

Goleadores: 0-1; (17’): despois de varios remates e rexeites dentro da área local, o balón chégalle a D. Blanco, que suavemente ca punta da bota envía moi habilmente fora do alcance de Roma. 0-2, (32’): D. Blanco, recibe un pase dun compañeiro dentro da área, ve desmarcado a Rancaño e cédelle o balón con habilidade por encima dos defensores locais, este, dun precioso remate de cabeza ao ángulo marca. 0-3, (41’): nun contraataque moi ben levado por Neucha, envía o balón en profundidade sobre D. Blanco, e este, bate a Roma na súa saída. 1-3, (49’): saque de curruncho lanzado por Alberto, e Fran libre de marcaxe, remata coa testa de vaselina por encima de Toni. 1-4, (57’): o local Pedro, dentro da súa propia área, erra no despexe, ante o acoso de Casais, este recupera e cede ao punto de penalti onde se atopaba D. Blanco libre de marca, que de tiro por baixo bate a Roma. 1-5, (65’): pase en profundidade de Carlitos sobre D. Blanco, o cal se interna pola banda esquerda, ao chegar a liña de fondo, envía un medido centro sobre Rancaño, o cal a pracer bate a Roma. 1-6, (70’): en pleno festival malpicán, D. Blanco, en xogada persoal cerra a conta, marcando o seu cuarto gol.

Ambiente e Incidencias: Tarde nubrada sen chuvia e boa temperatura. 60 persoas nas bancadas. A 2ª parte xogouse con luz artificial. Non houbo lesionados de consideración, aínda que como anécdota, hai que destacar, que antes do comezo do partido e cando os xogadores peloteaban, o xogador malpicán Neucha, cun forte disparo a porta de Toni, encontra sen querer a cabeza de Marco que estaba entretido falando cun compañeiro, o impacto foi de tal envergadura, que o xogador quedou uns minutos conmocionado, retrasándose o inicio do encontro. Marco acusou durante o partido o impacto, ata o punto de que tivo que ser sustituido por precaución (70’). Expulsado o adestrador local Nieto, con dobre amarela por reiteradas protestas.

Comentario: A SCD Malpica, cun plantexamento táctico moi eficiente, e cun David Blanco en racha de acerto goleador, esta tarde en Louro, bateu sen remisión a un equipo nobre e moi deportivo, que intentou xogar ao fútbol combinativo, pero que cando quería chegar a portería visitante non podía, pois os xogadores malpicáns nunha tarde inspirada pechábanlle todas as portas.
A táctica imposta polo adestrador local con tres defensas en liña, sen home libre, foi letal para os seus intereses, aproveitándose moi ben desta circunstancia os malpicáns, os cales puideron conseguir un resultado mais amplo, pero a partir dos sexto gol xa xogaron moi relaxados.

(Fonte: scd-malpica.blogspot.com, blog de Luis Porto).

miércoles, 2 de diciembre de 2009

ENTREVISTA A FRANCISCO LUÍS MONTES (CHARRO)

O protagonista de hoxe xa non está na SCD Malpica (fichou no Ponteceso este verán), pero a súa carreira deportiva transcorreu toda no equipo costeiro, e que a tempada pasada foi unha das claves da permanencia ao anotar 18 goles. Falamos do dianteiro Charro, que a pesar de non pasar un bo momento a nivel colectivo, posto que o Ponteceso é 16º na Primeira Rexional, si é un dos destacados das últimas datas marcando nos dous últimos partidos.

Datos persoais e traxectoria: Comezou a xogar na SCD Malpica nos infantís, e tras pasar por tódalas categorías inferiores do clube, debutou co equipo senior na tempada 2003-2004 nun partido en Cee sendo xuvenil de primeiro ano. Tempada na que tamén formou parte do equipo xuvenil do Malpica que conquistou a liga desa categoría. Actualmente milita no Ponteceso, como xa se dixo anteriormente.

Pregunta: ¿Podías decirnos cál é a orixe do teu apodo?

Resposta: Pois o meu apodo "Charro" é unha larga historia que vou resumir brevemente. Foi cando eu era cadete de 2º ano, o meu entrenador era Martuxa e foi el que mo puxo. Todo ben dun mote que lle tiñan a meu pai, do cal, despois de modificalo un pouco puxoseme a min.

P: ¿Qué tal te estás atopando no Ponteceso?

R: No Ponteceso non empecei como esperaba, as continuas suplencias nos primeiros partidos fixéronme pasalo mal, e incluso animicamente estiven moi baixo, de eso que os escasos minutos que disputaba non era capaz de demostrar o que podía dar. Agora todo cambiou, co troco de entrenador xa estou disfrutando de mais minutos, logrei anotar 2 goles nos últimos 2 partidos e incluso recuperei a titularidade. De cara ó futuro e impredecible, pero por sorte, seguir entrando no 11 dependerá sempre de min.

P: ¿Qué foi o que máis te sorprendeu?

R: Moitas cousas a verdade, pero por encima de todo o gran grupo de xogadores que a directiva do ponteceso logrou xuntar, tanto dentro como fóra dos campos de fútbol.

P: ¿Cáles pensas que son as causas do mal inicio ligueiro do Ponteceso?

R: Penso que hai varias causas, pero unha das principais foi a mala o organización da pretemporada, xa que se fixo mezclando xogadores do filial cos do "A", podese decir que a verdadeira pretemporada do Ponteceso comezou o dia de xogar na casa contra o Soneira, era a primeira xornada de liga.

P: ¿Cómo ves ao Malpica esta tempada?

R: O Malpica véxoo como o clube dos meus amores, é o Malpica quen me dou a oportunidade de xogar ó que mais me gusta e vouno a levar sempre no corazón.
Vovendo ó deportivo, creo que unha das principais claves é un maior coñecemento de Manuel Agilda da Liga da Costa, tamén vexo unha maior solidez defensiva que estaba a faltar en anos atrás e sobre todo unha migalla de sorte que non se estaba a ter con respeto as últimas tempadas. Por fin o Malpica está don debe, que é loitar cos equipos punteiros da liga, e iso que tivo baixas importantes para este ano como son as de Kike ou Avelino. Creo que lle sobra potencial ó Malpica para aguantar a categoría e incluso pelexar por obxectivos maiores.

P: ¿Que é o que botas de menos do Malpica?

R: En Malpica boto de menos moitas cousas a verdade, pero sobre todo ós amigos, todos os meus amigos de sempre están xogando alí, e podería decir moitas mais cousas que boto en falta, pero non por iso foi unha decisión desacertada deixar o clube, todo o contrario, cando recibín a oferta era unha oferta a nivel deportivo irrechazable, un equipo que gañou a liga e a copa da costa estes dous últimos anos. Non podía decir que non, e estou orgulloso delo.

P: ¿Qué xogador/es da SCD Malpica levarías para o Ponteceso?

R: Parece casualidade pero non o é, por algo se dou, porque si habia un xogador que quería do Malpica para o Ponteceso, ese era Alfrediño!!! e mira por onde, a directiva fichouno. Non é coincidencia que me gustase a min e tamén ó clube, e que alfredo, a decir verdade, é moi bo.

P: Por último, ¿atréveste a prometer algunha cifra de goles para esta campaña?

R: A mesma pregunta me facía Mato, ex-presidente e agora entrenador do Ponteceso, no primeiro entrenamento, pero eu non son de prometer unha cantidade de goles...son de metelos. O ano pasado a estas alturas levaba cero goles porque case que non xogaba e acabei con 18, este ano pásame unha situación parecida a do ano pasado aínda que xa levo 3. Si chegara ós 18 do ano pasado estaría máis que satisfeito ca miña tempada, ainda que vai ser difícil.

Moitas gracias Charro.

lunes, 30 de noviembre de 2009

ENTREVISTA A ALBERTO ORDÓÑEZ (CHEO)

Nesta semana comezamos unha nova sección no blog da SCD Malpica dedicado a entrevistar a diversos protagonistas relacionados coa institución.

E comezamos con Alberto Ordóñez (dianteiro do Malpica), máis coñecido por todos como Cheo, que nas últimas semanas está na actualidade por motivos extradeportivos, xa que foi sancionado con 6 partidos trala súa explusión no encontro que enfrentou ao Xallas e ao Malpica.

Datos persoais e traxectoria: Cheo, nado en Pazos no ano 1986, formou parte do Ponteceso Fútbol Sala ata os 16 anos, pasando a xogar por primeira vez en fútbol campo nos xuvenís da SCD Malpica cos que gañou a liga desa categoría na tempada 2003-2004. Despois retorna ao Ponteceso F.S. (liga Nacional A). No ano 2005 ficha polo Español de 1ª Rexional, pasando na tempada 2006-2007 á disciplina do Malpica. No 2007 volve a probar no fútbol sala, esta vez no Loureiro (liga Nacional A), e dende o ano pasado está, de novo, na SCD Malpica.

Pregunta: A primeira pregunta é obrigada, ¿que valoración che merece a sanción de 6 partidos tra-la expulsión sufrida ante o Xallas?

Resposta: De entrada é inxusta, digan o que digan os personajillos eses que, por decir algo, teñen o poder nestas situacións. Se se compara este caso con outros casos a verdade e que lle queda cara de tonto a un, porque, non son nin un nin dous partidos, son 6, o cal, neste caso, son 2 meses sen xogar. Eu podo admitir que a miña actuación aquel día non foi correcta pero a do árbitro tampouco e eu vou pasar 6 semanas na casa e el segue enchéndose os bolsillos por ahí a nosa conta. Non hai control sobre eles. Da igual o que fagan. Da igual o estado no que cheguen a arbitrar un partido. Da igual que non se movan do centro do campo. Que non teñan criterio. Todo iso da igual porque, ó final, según os inspectores e a xente que os controlan, todo son erros de apreciación, sen mala intención (?). É difícil que acerten sempre, tampouco se lles esixe iso. Esixeselles que árbitren con criterio equivocándose ou non, pero con criterio. E que deixen o ego aparcado na caseta antes de salir. Sería beneficioso para todos. Nada máis.

P: ¿Confías en que o recurso da SCD Malpica prospere e che quiten algún partido?

R: Non. Todos sabemos como funciona eso. Se fora por partirlle unha perna a alguén seguramente mos quitasen pero por rozarlle un brazo a un árbitro está claro que non me van quitar nada. É triste pro é así.

P: Cambiando a un tema máis agradable, ¿cómo ves ó Malpica esta tempada?

R: Moi ben. Subsanáronse moitos dos erros do ano pasado e tanto a directiva, o entrenador e os xogadores están traballando moi ben. Vése moita máis motivación, xa non nos partidos, senon que nos entrenos tamén. Baixo o meu punto de vista temos un entrenador que sabe e moito disto (creo que é algo que pensamos todos) e está dirixindo moi ben ó equipo. Además, as lesións estannos respetando bastante (salvo a min, por suposto) o cal deriva nunha continuidade que os xogadores agradecen e moito.

P: ¿Cáles pensas q poden selas causas do cambio radical que sufriu o ekipo con respecto á tempada pasada?

R: O cambio foi de actitude. Agora todos sabemos que para non pasar problemas temos que entrar ó campo concentrados e pensando no que temos que facer cada un de nós. Se non o facemos, como se viu o ano pasado e nalgún partido deste, non temos nada que facer.

P: ¿Qué metas te marcas a nivel persoal para este ano?

R: Home, a nivel persoal o único que espero e que me empecen a respetar un pouco as lesións. Senon é moi dificil facer nada xa que estar continuamente nun proceso de recuperación dunha lesión non permite rendir ó 100%. Se iso se da non teño ningunha dúbida sobre o que podo aportar ó equipo.

P: ¿Sénteste adaptado á posición de dianteiro que "estrenaches" esta tempada ou sínteste máis cómodo na banda?

R: Gústame máis xogar de dianteiro. Permíteme facer goles o cal é moi gratificante (risas). Se teño que xogar en calquera das dúas bandas non teño problema tampouco, é decisión do míster. Adáptome sen problema pero a miña preferencia está clara.

P: ¿Cál pensas que pode selo obxetivo real do Malpica tal e como se está desenvolvendo esta primeira volta?

R: Quedar entre os 6 primeiros pode estar ben. De todas formas, primeiro hai que facer os puntos para non pasar os apuros do ano pasado. Nos o que temos que facer e gañar partidos e o final xa veremos onde quedamos.

P: ¿Qué equipo ou equipos ves como os máis fortes da categoría?

R: O Zas, Xallas e Castriz son equipos que vin bastante fortes.

Dende este blog querémoslle dalas gracias a Cheo pola súa colaboración.

MALPICA 4 - VIMIANZO 1

SCD Malpica: Toni; Víctor, Marcos Amado, Alfredo II, Marco, (Brais 86'), Casais, (Eloy 80'), Neucha, (Manu Pardo 69'), Charly, (Carlitos 76'), David Blanco, Andrés, Rancaño.

SDU Vimianzo: Sergio; Suso, (Iván de Baiñas 68'), Camilo, (Arán 57'), Sergio Quintáns, (Ezequiel 69'), Riveiro, Adrián, Fran Pioto, Martín, Javi Suárez, Jaime, Rafa.

Árbitro: Sr. Grañas Martínez. (A Coruña). Non tivo incidencia no resultado final do encontro, pero permitiu algunha entrada dura por parte dos visitantes debendo de mostrar algunha tarxeta amarela máis. Si errou gravemente no minuto 80 cando non indicou un claro penalti ao centrocampista malpicán Rancaño.

Goleadores: 0-1, (13'): gol en propia meta do defensa local Alfredo II, tras un despexe de Marco que rebota nel, pillando ao gardameta Toni a media saída, nunha xogada de mala fortuna para o Malpica. 1-1, (18'): pase en profundidade cara a banda esquerda do ataque local, Neucha apura a liña de fondo e o seu centro medido remátao David Blanco na área. (43'): Marcos Amado, tamén dende a esquerda, envía un centro raso que remata Charly libre de marca no segundo pao. 3-1, (53'): penalti anotado por David Blanco tras ser derribado el mesmo polo porteiro Sergio na área visitanteDavid Blanco. 4-1, (86'): saque defectuoso do gardameta do Vimianzo dende a esquina da área, que é aproveitado polo mediocentro malpicán Eloy para anotar dende uns 30 metros de tiro raso, vendo que o porteiro estaba fóra do marco.

Ambiente e incidencias: Pobre entrada na Pedra Queimada (uns 50 espectadores) debido ao frío e a tarde desapacible. Non houbo expulsados nin que lamentar mancados de gravidade.

Comentario: A SCD Malpica recibía na Pedra Queimada ao Vimianzo, un equipo que debuta esta tempada na Liga da Costa, tentando seguir coa súa boa xeira de resultados como local e olvidala goleada sufrida na xornada anterior. Para este encontro, Manuel Agilda recuperaba aos mediocentros Andrés e Rancaño, unha importante nova tendo en conta as numerosas baixas sufridas polos malpicáns nas últimas xornadas por diversos motivos. Así as cousas, nos primeiros 15 minutos o Malpica pasou apuros froito, quizáis, da excesiva relaxación, que aproveitaron os visitantes para crear perigo, destacando a ocasión de Rafa no minuto 3 nun man a man que salvou ben Toni. Sen embargo, a partir do empate no minuto 18, o dominio foi patente por parte dos malpicáns, que contaron coas mellores ocasións para aumentala renta do marcador, sobre todo debido ás internadas de Neucha e de David Blanco. Mentras que os locais tentaban combinar no mediocampo e entrar polas bandas, o Vimianzo limitábase a mandar balóns longos cara os seus dianteiros que apenas creaban perigo para a defensa do Malpica.

No segundo período, e co resultado xa a favor, o contro do partido foi aínda maior por parte do Malpica, tocando ben na zona ancha do campo, que con un pouco máis de precisión nos metros finais podería ter logrado unha goleada maior. Hai que ter en conta que as condicións do terreo de xogo non eran as máis propicias, posto que a forte choiva caída nas últimas horas provocou que estivese moi rápido e en parte encharcado. As ocasións estiveron, na súa maioría, nas botas do dianteiro David, que estivo moi activo durante todo o encontro. Os visitantes, sen apenas oportunidades de gol nesta parte, so crearon certo perigo a balón parado nos minutos finais do partido, que salvou un atento Toni, mentras que se mostraron moi febles na parcela defensiva.

Resumindo, bo partido da SCD Malpica en termos xerais e en tódalas líñas, se exceptuamos o primeiro cuarto de hora, dominando por completo a contenda, que lle permite seguir cos bos resultados colleitados nesta tempada na Pedra Queimada. Pola contra, o Vimianzo mostrou unha mala imaxe, tendo que mellorar bastante o demostrado nesta 13ª xornada de liga para lograla permanencia. Os locais sitúanse na quinta posición da táboa clasificatoria con 22 puntos, aínda que é certo que faltan varios partidos por desputar xa que foron aprazados en xornadas anteriores. A vindeira semana o equipo desprázase ata o complicado campo do Monte Louro.

lunes, 23 de noviembre de 2009

BAIO 5 - MALPICA 1

CD Baio: Manuel; Fermín, José Antonio, Mario, Ramón, (Mel 80’), Sergio Pensado, (Eloy 84’), Jorge, (Felipe 68’), Andrés, Martín MC, (Álex 55’), Guillermo, Alberto.

SCD Malpica: Abraham; Víctor, Marcos Amado, (Brais 83’), Alfredo II, Marco, Casais, Neucha, (Martín 80’), Charly, David Blanco, Carlitos, (Manu Pardo 46’), Eloy.

Árbitro: Sr. Candal Regueira (A Coruña). Correcto en termos xerais pero fallou en dúas xogadas claves: no segundo gol do Baio, Guillermo está en fóra de xogo cando recibe o balón; e no derradeiro tanto dos locais, Felipe controla o balón coa man. Por outra banda, reclamouse un penalti sobre o extremo malpicán Neucha ó comezo da segunda metade (aínda que a xogada ofrece dúbidas).

Goleadores: 1-0; (32’): centro dende a banda esquerda do local Alberto, o balón pasa á altura do borde da área pequena pero nin a defensa nin o porteiro Abraham conseguen despexar e Guillermo marca a pracer no segundo pao. 2-0; (44’): pase en profundidade de Martín dende o medio do campo cara Guillermo que entra so na área cruzando o balón ante o gardamenta visitante. 3-0; (73’): de novo o ex do Malpica Guillermo (impecable durante todo o encontro) logra plantarse so ante Abraham anotando o seu tercerio gol na tarde. 4-0; (86’): Álex de penalti cometido por brais sobre Felipe. 5-0; (88’): golazo de Felipe dende o borde da área tras recibir un pase cruzado dende a banda esquerda. 5-1; (89’): no saque de centro do último gol local, Manu Pardo tira dende uns 50 metros e o balón cólase pola escadra esquerda da meta defendida por Manuel, anotando un dos goles máis espectaculares da tempada.

Ambiente e Incidencias: Tarde nubrada. Pouca xente na grada, unhas 75 persoas. Non houbo que levantar ningún lesionado de gravidade nin ningún expulsado.

Comentario: Nesta 12ª xornada da Liga da Costa a SCD Malpica viaxaba ata Baio despois de superalo temido "tourmalet" (Muros, Camariñas, Xallas e Castriz) e coa intención de sumar unha nova victoria a domicilio ante un Baio situado na zona media-baixa da táboa clasificatoria que viña de perder por 5-3 no campo do Porteño. O Malpica chegaba ao encontro con moitas baixas: Ismael, Busto, Iago e Andrés por lesión; Cheo, sancionado; e Rancaño por motivos laborais. Durante os primeiros minutos do encontro, os visitantes marcaron o ritmo do partido e chegaron con certo perigo á área do Baio, destacando un tiro de David no minuto 20 que se estrelou no longueiro, e dúas faltas botadas por Neucha (minutos 25 e 31) que apiques estiveron de convertirse en gol ante as dúbidas do porteiro Manuel. Sen embargo, foron constantes as imprecisións na circulación de balón e os erros non forzados, dando a sensación de certa presa por chegar a portería contraria. O Baio so creaba perigo por medio de Guillermo, que tras avisar cun disparo cruzado que despexou Abraham a córner, logrou dous tantos antes do descanso.

No segundo tempo, a SCD Malpica si logrou un maior control de balón e máis posesión do esférico, pero foi un dominio estéril xa que apenas logrou chegar ás inmediacións da área do Baio, e so nos minutos finais tirou a portería (Casais no minuto 90 tirou dende fóra da área ao longueiro), ante un porteiro que se mostrou moi inseguro durante toda a tarde. Nesta parte, os locais atrasaron líñas esperando un contraataque que lle permitira sentencialo partido, mentres que Guillermo seguía creando perigo constantemente, contando cunha ocasión clarisima nun man a man que parou Abraham.

Foi un partido bastante gris de ámbolos dous equipos, sen fútbol combinativo e desputado principalmente na franxa do mediocampo, pero a efectividade do Baio resultou letal (con 7 tiros con perigo marcou 5 goles) comandado polo dianteiro Guillermo, o gran protagonista do partido. Faltoulle ó Malpica algo da intensidade e da agresividade que tivo en xornadas anteriores, pero o castigo recibido foi desproporcionado. Tras esta 12ª xornada, a SCD Malpica descende ata a séptima posición, sumando dúas goledas nos dous últimos desprazamentos e conseguindo so 4 puntos dos últimos 15 desputados. Esperemos que este "pequeno bache" quede pronto atrás, tendo a primeira oportunidade a vindeira xornada na Pedra Queimada ante un recén ascendido, o Vimianzo (14º na clasificación).

lunes, 16 de noviembre de 2009

MALPICA 1 - CASTRIZ 1

SCD Malpica: Abraham; Marco, (Carlitos 73’), Marcos Amado, Alfredo II, Iago, (Eloy 70’), Rancaño, Neucha, Casais, David Blanco, Charly, Andrés, (Manu Pardo 62’).

SD Castriz: Ángel; Dani, (Víctor 54’), Torreira, (Rubén 69’), Álex, Alberto, (Martín 89’), Jota, Cilindro, Koeman, (Noly 54’), Sebas, Ovidio, Bruno.

Árbitro: Sr. Aradas García (A Coruña). Moi correcto durante todo o encontro, con algún erro de apreciación, especialmente na segunda metade, pero que non influíron no resultado final.

Goleadores: 1-0; (14’): Saque en longo do porteiro local Abraham, o balón chega a David Blanco, tras un grave erro da defensa visitante, que se interna so na área do Castriz e bate ao gardameta Ángel. 1-1; (78’): Saque de banda a prol do Castriz, Cilindro coloca o balón no borde da área malpica e logo dun rexeite, Bruno anota un golazo dende a media lúa que entra preto da escadra dereita da porteria defendida por Abraham.

Ambiente e Incidencias: Un centenar de espectadores na Pedra Queimada. Tarde nubrada. Non houbo expulsados. Moitas lesións na SCD Malpica: Busto (no quencemento); Iago (70´), cunha posible rotura de fibras no cuadriceps; Marco (73´), cun golpe no nocello dereito; e Charly (90´), con tiróns nos xemelgos.

Comentario: A SCD Malpica recibía na Pedra Queimada ao Castriz, un equipo que chegaba nun bo momento de forma, pois sumaba sete encontros consecutivos sen coñecela derrota. Os locais, tra-la contundente derrota sufrida no campo do Xallas, pretendían recuperalas boas sensacións mostradas neste comezo de liga e manterse na zona nobre da táboa clasificatoria. Saía o Malpica cun 4-4-2, o sistema habitual nas primeiras xornadas empregado polo conxunto de Manuel Agilda. No primeiro tempo, A SCD Malpica mostrou unha gran solidez defensiva, froito da boa presión exercida durante os mediocentros visitantes e a boa colocación táctica, o que provocou que o Castriz se limitase a enviar balóns longos dende a defensa. Sen embargo, cabe destacala ocasión de Sebas ós cinco minutos que salva o porteiro local enviando o esférico a córner. En ataque, os locais combinaron ben e tiveron algúns acercamentos perigosos, aínda que sen grandes ocasións de gol, sendo a ocasión máis clara unha falta botada por Neucha (33´) que saca o gardameta Ángel.

No segundo período, a igualdade foi a nota predominante, con gran parte do partido concentrado no medio do campo e con pouca presencia en ambas áreas. O Malpica seguía forte na parcela defensiva, mentras tentaba sentencialo partido nun contragolpe, fronte a un Castriz que tivo un maior control do esférico pero estéril pois nunca lograron combinar con comodidade. As ocasións máis claras da SCD Malpica neste acto estiveron nos pés de Neucha, moi activo durante todo o encontro, tras un rexeite de Ángel e nun "pase da morte" que non atopou receptor preto do final. Nos últimos 15-20 minutos, os visitantes apretaron en busca do empate, aproveitándose das numerosas baixas dos locais, tendo, ademais do gol, unha boa oportunidade nun tiro de Sebas no desconto que salvou Abraham.

Ó final da contenda, o resultado de 1-1 foi o reflexo do nivel similar mostrado por ámbolos dous equipos neste domingo, aínda que quedou a sensación de que á SCD Malpica puido obtar a algo máis. Hai que destacar que, a pesar de ser un partido moi disputado, o xogo limpo e a deportitivade foi a tónica xeral do encontro. Despois desta xornada, os locais continuan coa súa boa xeira de resultados na Pedra Queimada, sumando 4 victorias, un empate e unha derrota na Pedra Queimada, o que lles permite seguir na zona media-alta da clasificación, situados na quinta posición. A vindeira semana o Malpica xogará en Baio, presumiblemente o sábado.

viernes, 13 de noviembre de 2009

PARTE DE SANCIÓNS PARA A 11ª XORNADA

A Federación Galega de Fútbol publicou este xoves o parte de sancións para a vindeira xornada. No que atinxe á SCD Malpica, non puido ser máis duro, xa que Alberto Ordóñez (máis coñecido coma Cheo) foi sancionado con 6 partidos de suspensión, trala tarxeta vermella que voi o domingo pasado fronte ó Xallas. Hai que subliñar que a expulsión prodúxose porque o árbitro do encontro, Hermo Alonso, apreciou que Cheo se tirara na área visitante, cando en realidade foi como consecuencia dun penalti bastante evidente. Sen embargo, isto non serve como xustificación das accións posteriores do dianteiro malpicán (que lle costaron a segunda amarela), absolutamente condeables.

Por outra banda, o adestrador local, Manuel Agilda, tamén foi sancionado cunha semana de retirada da licencia federativa, posto que nesa xogada do penalti sinalado tamén foi expulsado por facer un "xesto de aplauso" cara o árbitro.

lunes, 9 de noviembre de 2009

XALLAS 4 - MALPICA 1

Xallas CF: Cheli; Ismael, Álvaro, Lobo, Carteiro, Pepe, Rubén Forján, (José Ángel 66’), Ricardo, (Iván Forján 73’), Ventura, Carlos, (Solís 60’), Jesús, (Iván Cancela 77’).

SCD Malpica: Toni; Víctor, Marcos Amado, Iago, Marco, Andrés, (Martín 57’), Neucha, Casais, (Cheo 59’), David Blanco, Eloy, Manu Pardo, (Carlitos 57’).

Árbitro: Sr. Hermo Alonso. (A Coruña). Desacertado. Estivo moi caseiro durante todo o encontro, castigando con moitas tarxetas á SCD Malpica pero aplicando distinto listón para os locais. Expulsou ao dianteiro malpicán Cheo por entender que se tirou na área en lugar de pitar un penalti que foi claro. Ademais, puido haber fóra de xogo no primeiro gol do Xallas.

Goleadores: 1-0; (35’): falta dende a banda esquerda a favor do Xallas, o balón sobre o punto de penalti é peindado por Ventura, aparecendo no segundo pao Jesús totalmente desmarcado que bate a Toni. 2-0; (50’): centro de Rubén Forján dende a banda dereita e Ventura remata debilmente dentro da área pequena, pero o balón escápalle ao porteiro visitante Toni debido ás malas condicións do terreo de xogo nesa área. 3-0; (70’): centro de Jesús sobre o punto de penalti e José Ángel cabecea por encima de Toni. 4-0; (76’): pase en profundade de José Ángel que deixa so a Jesús man a man ante Toni, e tras regatealo anota o seu segundo gol. 4-1; (86’): gran disparo do dianterio visitante David Blanco á escadra esquerda da portería defendida por Cheli dende uns 25 metros.

Ambiente e Incidencias: sobre 100 espectadores en Fontenla. Tarde gris e bastante fría. O mediocentro malpicán Andrés (minuto 57) tivo que ser sustituído por unhas molestias nun xeonllo. Cheo foi expulsado (minuto 71) por protestar.

Comentario: A SCD Malpica plantábase en Fontenla despois de vencer ao líder na xornada anterior e con cinco victorias nos últimos seis encontros, o que facía supoñer que o partido ía a ser bastante igualado ante un Xallas aspirante a todo esta tempada. Sen embargo, dende o pitido inicial o encontro foi caendo para o lado local, nun campo que tradicionalmente nunca se lle deu ben ao Malpica. O plantexamento táctico disposto polo técnico visitante Manuel Agilda foi o mesmo que tan bos resultados deu nas últimas xornadas ante rivais fortes, 4-1-4-1. Pero fronte á solidez en contendas anteriores, o equipo visitante non logrou controlalo esférico en ningún momento da primeira metade, o que se traduxo nunha ausencia, practicamente, de ocasións de gol. Pola súa contra, o Xallas facíase forte dende atrás e conseguía aproveitar moito mellor os espazos (hai que ter en conta as dimensións do campo, o máis grande da categoría) creando moitas dificultades á defensa malpicán mandando balóns á espalda e as bandas para os rápidos dianteiros xalleiros.

No segundo período, a tendencia foi semellante, e o rápido gol local (aos cinco minutos da reanudación) poñía moi costa arriba a virtual remontada. Tampouco se atopou nada cómoda a SCD Malpica nesta parte, aínda que si tentou ter algo máis a posesión de balón, pero con bastantes imprecisións e con escasa profundidade. As poucas ocasións das que dispuxeron os malpicáns foron grazas a erros da defensa local. Cabe destacala clarisima ocasión do dianteiro David Blanco no minuto 53, que se plantou so ante Cheli pero non logrou batilo. Tra-la expulsión de Cheo, o Malpica quedou en mans do Xallas, que creaba continuas ocasións aproveitando a inferioridade numérica ante unha defensa visitante que intentaba "capealo temporal" como podía.

En definitiva, un partido para olvidar ante un Xallas que se mostrou como un conxunto moi sólido neste domingo, e unha SCD Malpica que non foi quen de adaptarse en ningún momento ao terreo de xogo, dando a sensación de ir sempre a remolque durante os 90 minutos. Esperemos que este partido sea so un "accidente" na traxectoria do Malpica, e que sirva para "poñelos pés na terra" e ter presente o verdadeiro obxetivo da tempada: non pasar os apuros das dúas tempadas anteriores. Agora so queda preparar ben o partido na vindeira xornada ante o temible Castriz na Pedra Queimada para vela mellor cara do equipo. Despois desta 10ª xornada da Liga da Costa, a SCD Malpica sitúase sexta con 18 puntos, e o Xallas sube ata a cuarta plaza, quedando a 6 puntos do líder (Zas) pero cun partido menos.

lunes, 2 de noviembre de 2009

MALPICA 1 - CAMARIÑAS 0

SCD Malpica: Toni; Víctor, Marcos Amado, Iago, Marco, Andrés, Neucha, Rancaño, (Cheo 67’) David Blanco, (Brais 89’), Eloy, (Carlitos 74’), Casais, (Manu Pardo 58’).

Camariñas CF: Marcos; Pesqui, Antelo, Alejandro, Maikel, Moriño, Javi, Brais, De la Sierra, (David Vieites 79’), Ismael, Gerardo, (Yago 76’).

Árbitro: Sr. Montes Montes. (A Coruña). Moi desacertado. Mostrou unha falta alarmante de personalidade durante todo o encontro, deixándose influenciar polas constantes protestas do banquillo visitante perxudicando á SCD Malpica en moitas das súas apreciacións, sobre todo durante o segundo tempo.

Goleadores: 1-0; (10’): Córner dende a banda dereita a prol do Malpica que saca Neucha ao segundo pao, alí aparece o dianteiro local David Blanco para anotar un bo gol de cabeza, picando o balón ao lado contrario de onde se atopa o porteiro Marcos.

Ambiente e Incidencias: Tarde desapacible pero sen apenas choiva. Uns 150 espectadores na Pedra Queimada. Non houbo expulsados nin lesionados de consideración.

Comentario: Recibía a SCD Malpica nesta 9ª xornada da Liga da Costa ao líder da clasificación, o Camariñas, que chegaba con sete victorias e só unha derrota. Foi un partido típico desta liga, con dous equipos moi igualados e empregándose a fondo durante todo o encontro. Durante os primeiros 30 minutos, o equipo local foi bastante superior, dominando a posesión do esférico (froito da superioridade numérica no medio do campo) e presionando moi ben a saída do balón do Camariñas, o que se traduxo en varias ocasións de gol, sobre todo nas botas de David Blanco. Sen embargo, no final do primeiro período os visitantes apretaron bastante, aínda que as ocasións máis importantes foron a balón parado, por medio dunha falta botada por De la Sierra que salvou o porteiro local Toni, e por medio dun cabezazo de Antelo tralo saque dun córner que tamén despexou Toni.

No segundo tempo, o Camariñas fíxose co dominio do balón, mentras que o Malpica agardaba atrás mentras agardaba algún contragolpe que sentenciara o encontro, algo comprensible tendo en conta que o resultado era de 1-0 dende moi cedo. A pesar desta circunstancia, os locais non sufriron en exceso, e mesmo poideron anotar algún gol á contra, sobre todo un tiro de Neucha (83´) que rexeita Antelo, co porteiro xa superado, e coas internadas de Cheo. Hai que subliñala entrega e a disciplina táctica dos xogadores de Manuel Agilda, que completaron, na parcela defensiva, un dos mellores encontros da tempada durante os 90 minutos, dende a dianteira ata a portería, non permitindo que os visitantes xogaran con comidade.

Despois desta 9ª xornada da Liga da Costa, a clasificación aprétase pola parte alta, xa que a SCD Malpica sitúase terceira con 18 puntos, a tres do segundo clasificado (Camariñas, que perde o liderato) e a catro do líder (Zas). Importante vitoria dos locais, que ven reforzado o seu gran arranque de liga e que pode ter un efecto moi positivo no apartado anímico, e que deixa moi boas sensacións de cara aos seguintes encontros. Cabe destacala fortaleza do Malpica na Pedra Queimada, xa que gañou catro dos cinco partidos desputados. A vindeira semana o conxunto malpicán desprázase ata Santa Comba, para xogar outro encontro moi complicado fronte ao Xallas, un dos conxuntos que máis se reforzou durante o verán.

lunes, 26 de octubre de 2009

MUROS 2 - MALPICA 0

Muros SD: Lupi; Manu, (Iván 59’), Cexo, Teo, Gael, Aarón, Álvaro, (Pesco 24’), Seluco, ( Gabi 82’), Piti, (Adán 86’), Bibi, Martín, (Brais 74’).

SCD Malpica: Toni; Víctor, Marco, Marcos Amado, Iago, Andrés, Neucha, (Carlitos 50’), Rancaño, David Blanco, (Martín 79’) Eloy, Casais, (Ismael 69’),

Árbitro: Sr. Souto Budiño. (A Coruña). Correcto en termos xerais, pero con algún erro de apreciación en determinadas xogadas (como á hora de dala lei da vantaxe) que sempre ían en beneficio dos locais.

Goleadores: 1-0; (12’): saque de esquina a prol do Muros que bota Seluco, o primeiro pao, remata Piti, sen oposición, salva Andrés, baixo paus, o rexeite chégalle a Aarón, tamén libre de marcaxe que empurra á rede. 2-0; (43’): xogada similar á anteiror, inclusive dende o mesmo córner, Seluco envía o balón ao interior da área pequena, e no segundo pao aparecen Bibi e Teo, anotando o segundo tra-lo erro inicial no remate de do primeiro.

Ambiente e Incidencias: Tarde gris sen choiva. Uns 150 espectadores en Miraflores. Non houbo expulsados. Tiveron que retirarse lesionados: o local Álvaro, (24’); e os malpicáns Neucha, (50’) e David Blanco (79´).

Comentario: Partido atractivo o xogado nesta oitava xornada da Liga da Costa en Miraflores, xa que ámbolos dous conxuntos chegaban nunha xeira moi positiva de resultados: o Muros levaba dúas victorias (anotando 10 goles) e a SCD Malpica presentábase con catro victorias consecutivas. Foi un encontro moi disputado e igualado durante os 90 minutos, sen moitas ocasións claras de gol pero con moita intensidade. O Malpica comezou cun sistema táctico pouco habitual, 4-1-4-1, que se mostrou moi efectivo durante todo o encontro, xa que permitiu controlar aos perigosos atacantes muradáns. Durante o primeiro tempo, a igualdade foi a nota predominante, pero os erros a balón parado provocaron que o marcador se desnivelara a favor do Muros. Cabe destacalas ocasións de Casais no minuto 25 (un remate a porta baleira que o xove xogador visitante non atina a marcar) e de Nuecha (45´), nunha falta.

Na segunda metade, xa co 2-0, o partido disputouse na súa maior parte do campo do Muros, debido ao empuxe e as gañas da SCD Malpica que o intentou constantemente pero sen fortuna. As mellores ocasións estiveron nos pés de Carlitos, que en dúas ocasións logrou entrar na área local pero faltoulle a definición, na cabeza de Casais tra-lo saque dun córner, e nun libre indirecto que tirou David. No que atinxe ao Muros, despois de non tirar a porta con perigo no primeiro acto, no segundo tempo tivo dúas ocasións por medio de Bibi, nos minutos 53 e 63, que resolveu ben o porteiro visitante Toni.

En definitiva, boa imaxe a mostrada pola SCD Malpica en Muros, posto que en ningún momento lle perdeu a cara ao encontro e non mereceu o resultado final, inclusive dando unha sensación de contra-lo xogo durante todo o partido, dentro da mencionada igualdade. Quizáis faltou algo de "pegada" no aspecto ofensivo, debido ás baixas dos dianteiros Charly e Cheo, e as lesións no transcurso do encontro do extremo Neucha e do atacante David. Sen embargo, a pesar da gran actitude dos xogadores, deben correxilos erros nas xogadas a balón parado que tantos desgustos lle están a causar ao equipo malpicán. A vindeira semana chega á Pedra Queimada o Camariñas, outro dos equipos chamados a pelexar polo ascenso.

lunes, 19 de octubre de 2009

MALPICA 4 - LIRA 1

SCD Malpica: Abraham; Marco, (Marcos Amado 65’), Víctor, Alfredo II, Iago, Manu Pardo, (Casais 61’), Neucha, (Carlitos 62’), Andrés, (Eloy 58’), David Blanco, Charly, Rancaño.

Lira CF: Santi; Juan, Pelexo, (Isma 35’), Paco, Josiño, (David 29’), Víctor, Chindo, Patachín, Ancho, Javi, José.

Árbitro: Sr. Álvarez Vega. (A Coruña). Moi boa a súa actuación nun partido sen xogadas polémicas nin complicadas.

Goleadores: 1-0; (3’): Rancaño en xogada persoal pola banda dereira, entra na área visitante apurando a liña de fondo e o seu centro sorprende no primeiro pao ao porteiro Santi que introduce o esférico na súa propia porteira. 1-1; (6’): Falta no medio do campo a prol do Lira que acaba en gol de Patachín tra-lo erro da defensa local no marcaxe. 2-1; (12’): Saque de esquina de Neucha, prodúcese un barullo na área, o balón acaba nos pés de Iago que cede atrás para que Alfredo II marque de potente tiro cruzado dende o borde da área. 3-1; (28’): Rancaño, nunha xogada espectacular, recibe un pase de Neucha, entra na área, despois de facerlle dous sombreiros a tantos defensas visitantes, e, sen deixala caer, despois do segundo sombreiro, fusila a Santi. 4-1; (70’): Pase de Carlitos a David Blanco que se revolve moi ben dentro da área e anota o último gol da tarde de tiro cruzado.

Ambiente e Incidencias: Tarde soleada na Pedra Queimada. Unhas cen persoas na grada. Non houbo expulsados. Lamentalas lesións dos xogadores do Lira, Josiño, cun pequeno corte nunha cella (29’), e Pelexo, con probable luxación de clavícula (35’).

Comentario:
Chegaban os xogadores de Manuel Agilda moi animados a esta séptima xornada da Liga da Costa tras tres victorias consecutivas nas tres últimas xornadas frente a un rival que aínda non sabía o que era puntuar na presente tempada. Partido con pouca historia futbolística, xa que a SCD Malpica foi moi superior ao Lira, tendo claramente a posesión do esférico e dominado case por completo o encontro durante os 90 minutos. No primeiro período as ocasións dos locais sucedéronse continuamente, destacando os cabezazos de Necuha no minuto 10 e de Charly no 27, e a ocasión de David no 39. Sen embargo, ante un rival dan débil como foi esta tarde o Lira, botouse de menos un pouco máis de combinación en corto entre os xogadores do Malpica, posto que en ocasión abusaron do pase en longo.

Na segunda parte todo continuou igual que na primeira, dominando os locais por completo. As ocasións claras do Malpica seguíronse sucedendo, en especial nas botas dos dianteiros Charly e David. Sen embargo, a intensidade foise esmorecendo ante a diferencia de xogo entre ámbolos equipos, o que provocou un partido algo "descafeinado". Polo que atinxe ao Lira, non mostrou unha boa imaxe, e só dou sinais de perigo en xogadas a balón parado e nalgunha aparición aillada do dianteiro Ancho, ademáis de dar moitas facilidades no apartado defensivo.

Trala cuarta victoria consecutiva da SCD Malpica, os malpicáns sitúanse terceiros na táboa clasificatoria con 15 puntos (a un do Zas e a tres do Camariñas), mentres que o Lira segue pechando a clasificación sen puntos. Non obstante, a pesar da contundente victoria dos locais non todo é de "cor rosa", posto que as xogadas a balón parado en contra seguen sendo unha fonte de perigo en cada partido (como mostra o gol do Lira). Cos deberes feitos neste comezo de tempada, agora toca xogar consecutivamente contra catro equipos aspirantes ao ascenso, comezando este domingo en Muros, que marcarán as verdadeiras aspiracións da SCD Malpica.

lunes, 12 de octubre de 2009

O PINDO 1 - MALPICA 2

O Pindo: Garrido; Pablo, Miguel de Lira, Juan Atº., Álex, Piquero, Fran, (Carlos 72’), Sergio, Julián, (Rafa 64’), Víctor, Hugo.

SCD Malpica: Abraham; Marco, (Casais 72’), Víctor, (Marcos Amado 46’), Alfredo II, Iago, Manu Pardo, Neucha, Charly, David Blanco, Ismael, (Andrés 46’), Carlitos, (Cheo 46’)

Árbitro: Sr. Brea Sánchez. (A Coruña). Bastante ben en termos xerais, ainda que o desconto final foi excesivo, posto que descontou uns 6 minutos cando foron os locais os que perderon tempo intencionadamente canto o marcador estaba ao seu favor.

Goleadores: 1-0; (24’): Víctor, dende a frontal da área, anota de vaselina tras un erro na saída do balón dos visitantes e bate ao debutante Abraham. 1-1; (74’): xogada pola banda esquerda entre Cheo e Marcos Amado, este lanza un centro ao segundo pau, onde Casais bate a Garrido de cabeza. 1-2; (82’):Manu Pardo de penalti, tras unha falta cometida sobre David dentro da área cando encaraba a portería local.

Ambiente: Tarde gris pero calurosa. Uns 100 espectadores. Non houbo expulsados, pero cabe lamentar a lesión muscular do malpicán Cheo.

Comentario: Partido de contrastes o disputado nesta 6ª xornada da Liga da Costa entre O Pindo e o Malpica, xa que os locais chegaban tras perder 4 partidos consecutivos e a SCD Malpica tralas victorias ante o Sofán e Corme. Durante os primeiros compases do encontro semellaba que o Malpica iba ter unha tarde "tranquila", xa que entraron moi metidos no partido e dominando ao rival, destacando unha clara ocasión de Carlitos aos dous minutos. Sen embargo, nada máis lonxe da realidade, xa que a partires dos 10 minutos o panorama cambiou completamente, pasando a selo claro dominador O Pindo, que combinaba moi ben no medio do campo e creaba moito perigo, sobre todo mediante os seus xogadores de banda, aínda que sen crear excesivas ocasións claras de gol. Pese a todo, minutos antes do descanso os visitantes tiveron dúas ocasións importantes de gol nas botas de Carlitos e de David Blanco.

No segundo acto, a SCD Malpica mostrou unha cara moi diferente, facéndose dono do partido debido a un aumento da intensidade (case inexistente durante o primeiro período) e a tocar máis en corto o balón. Froito disto viñeron as ocasións para os visitantes, destacando as ocasións de Cheo nos minutos 49 e 65 en sendas internadas na área local. O Pindo aguantou o "temporal" cerrándose atrás e intentando perdelo máximo de tempo posible, pero iso non implicou que non crearan perigo, xa que disfrutaron de varios contragolpes perigosos. Na recta final do encontro, e xa consumada a remontada, O Pindo apretou nas xogadas a balón parado, pero non logrou marcalo gol do empate.

Despois desta xornada, a SCD Malpica sitúase nunha boísima 3ª posición (a falta do Camariñas - Monte Louro), mentras que O Pindo queda na parte baixa da clasificación sumando só 3 puntos, pero deixando unha boa imaxe, en especial na durante a primeira metade. Importante victoria visitante ante un presumible rival por evitalo descenso, pero tamén se debe facer autocrítica e aprender do sucedido, xa que no momento en que o equipo se relaxa pasa moitas dificultades ante calquera adversario. Esperemos que a reacción da segunda parte sirva de exemplo para evitar este tipo de situacións, comezando o próximo domingo na Pedra Queimada ante o Lira.

lunes, 5 de octubre de 2009

MALPICA 4 - CORME 3

SCD Malpica: Toni; Marco, Marcos Amado, Alfredo II, Iago, Eloy, (Cheo 46'), (Ismael 88'), Manu Pardo, Rancaño, David Blanco, Neucha, (Casais 82'), Charly, (Carlitos 72').

Corme CF: Suso; Adolfo, Martín, Pandi, Lelo, Diego, (Abel 73'), Rafa Valiña, Alejandro, Iago, Lucas, (Fus 60'), Alejo.

Árbitro: Sr. Sánchez Lago. (A Coruña). Mala actuación, moi protestado polos locais e tamén polos visitantes. A chispa que encendeu "a mecha" foi o penalti sinalado a prol do Malpica no minuto 19 da primeira metade por mans de Pandi cando intentou despexar un balón de cabeza, penalti moi protestado polo Corme. Sen embargo, antes desa xogada houbera xa varias xogadas polémicas (outra man moi clara na área visitante) e varios fóras de xogo non sinalados, todas elas en beneficio do Corme. Ademáis, o gol de falta visitante foi ilegal xa que era indirecta. A partir de ahí o partido foi quentándose pouco a pouco ante a pasividade do colexiado, que non foi capaz de cortar o xogo duro do Corme, sobre todo durante a segunda metade (o Malpica acabou con 7 amarelas e o Corme só con 4). Xa rematado o partido, a actitude dalgúns xogadores visitantes foi lamentable, posto que se dedicaron a insultar e ameazalo árbitro (sen que éste escribise nada na acta). No medio da tangana final, o xogador do Corme Alejandro agarrou polos pelos ao local Casais, nunha acción nada acorde á categoria dese xogador.

Goleadores: 0-1; (16'): Iago, de xogada persoal tras un erro da defensa local, cruza ante a saída de Toni. 1-1; (19'): David Blanco, de penalti. 2-1; (27'): Saque de curruncho botado por Neucha, e Charly, de impecable cabezazo clava o balón na rede. 2-2; (30'): Iago, bota unha falta, a Toni vaiselle o balón das mans, e Alejandro, golea a pracer. 2-3; (63'): Rafa Valiña, de falta dende 50 metros, o balón bota preto da área pequena, e entra na portería local sen que toque en ningún xogador (nunha falta que era indirecta). 3-3; (70'): Manu Pardo, envía on balón en profundidade, falla na súa saída o porteiro visitante Suso, e David Blanco, moi oportuno, marca a porta valeira. 4-3; (87'): outro gran pase en profundidade de Manu Pardo, sobre Cheo, este gáñalle por velocidade a defensa e cruza impecablemente ante a saída a desesperada de Suso.

Incidencias: Tarde chuviosa e bo ambiente na grada (150 espectadores, aproximadamente). Non houbo tarxetas vermellas nin lesionados de gravidade.

Comentario: Partido intenso e moi disputado o vivido este domingo na Pedra Queimada entre a SCD Malpica e o Corme. Destacalo estado do terreo de xogo, que coas precipitacións caidas durante o fin de semana estaba moi rápido e con algunhas pequenas charcas. Na primeira metade, o Malpica estivo bastante espeso, tanto en ataque como en defensa. No aspecto defensivo, a mala presión sobre os visitantes provocaba que os mediocentros do Corme enviasen balóns longos aos seus rápidos dianteiros á espalda dos defensas. En canto ao ataque, apenas houbo combinacións entre os mediocentros e os dianteiros, ademáis de mostrarse bastanes imprecisos cando o intentaban. A pesar de todo, o resultado era de 2-2 no descanso.

No segundo periodo a cousa cambiou totalmente, sendo o Malpica o claro dominador do partido. Dous aspectos poideron influir neste cambio de rumbo: 1º A volta ao sistema habitual, xa que durante a primeira metade o 4-3-3 non foi ben asimilado polos xogadores locais. 2º A condición física do Malpica foi superior a do Corme. Nesta metade, o equipo visitante apenas tivo ocasións claras de gol, mentras que os locais combinaron moito máis en ataque e conseguiron chegar con maior fluidez ás inmediacións da área contraria.

Despois deste partido, a SCD Malpica suma 9 puntos e encadea dúas victorias seguidas, situándose na sexta plaza na táboa clasificatoria. Segue a ser reseñable a garra e a actitude dos xogadores, que nunca deron o partido por perdido, a pesar de atoparse co marcador en contra dúas veces. A isto hai que sumarlle o bo xogo despregado durante a segunda metade, o que provocou unha perfecta "comunión" coa grada, sempre fiel se o equipo ofrece sacrificio e intenta xogar un fútbol vistoso. Non obstante, hai que ter presente o que sucedeu estes últimos anos e ir partido a partido sen perdela humildade, loitando como ata agora.

lunes, 28 de septiembre de 2009

SOFÁN 2 - MALPICA 3

SD Sofán: José Ramón; Juanjo, Diego, Roberto Souto, (Gende 67’), Varela, (Adrián 60’), Pensado, (Óscar 89’), Mario, Alemán, Berti, Eloy, (Jacobo 69’), Bertín, (Pizo 74’).

SCD Malpica: Toni; Marco, Marcos Amado, (Víctor 46’), Alfredo II, Iago, Casais, (Carlitos 46’), Neucha, (Ismael 81’), Andrés David Blanco, Charly, , Eloy, (Manu Pardo, 46’),

Árbitro: Sr. España Andrade. (A Coruña). Nada acertado, en especial nos penaltis sinalados; ademáis, non sinalou dous penaltis, un sobre o visitante David preto do descando e outro sobre o sofanista Mario ao comezo da segunda metade. Tivo un aire chulesco e moi caseiro en diferentes fases do partido.

Goleadores: 0-1; (17’): gran combinación entre, Casais, David Blanco e Charly, este lanza un tiro forte á escadra dereita da portería de José Ramón, que rexeita nunha grande estirada, e Neucha que chegaba lanzado, empalma a rede en boca de gol. 1-1, (22’): Bertín, arranca en fóra de xogo, centra, a defensa malpicana queda parada reclamándolle ao árbitro, e Mario, remacha a rede, o colexiado concede o gol, a pesar das protestas dos visitantes. 1-2, (57’): Carlitos, remata a media volta un saque de curruncho efectuado por Neucha, ante a pasividade da defensa local. 2-2, (59’): Bertín, deixase caer con picaresca na área ante o acoso do defensa malpicán, Marco, o propio Bertín, transforma a pena máxima. 2-3, (70’): Manu Pardo, transforma un penalti, sinalado, por derribo de José Ramón, sobre David Blanco, cando este encaraba a portería local tras un balón en profuncidade do propio Manu Pardo. Os xogadores da SD Sofán, protestaron moito a xogada, estimando que non houbera contacto do porteiro local.

Ambiente e Incidencias: Tarde soleada en “O Carral”. 140 siareiros nas bancadas. Non houbo expulsados. O xogador local Pensado, retirouse lesionado ao sufrir un tirón muscular.

Comentario: Chegaban os dous equipos a esta cuarta xornada da Liga da Costa cos primeiros "apuros" da tempada, xa que viñan de perder os dous últimos partidos. Durante o primeiro tempo apenas se puido ver xogo combinativo no terreo de xogo, predominando o xogo directo. A SCD Malpica non se atopou nada cómoda durante os primeiros 20 minutos, xa que o equipo dividíase en dous debido a que a presión en campo contrario non era efectiva por culpa de que o árbitro non sinalaba ningún fóra de xogo dos locais (con ocasións claras dos sofanistas Berti e de Eloy). Así as cousas, a defensa visitante tivo moitas complicacións xa que tiñan moito espazo libre as súas espaldas, favorecendo o xogo directo do Sofán. En ataque, o Malpica estivo bastante espeso, destacando só a ocasión de Neucha de falta e un posible penalti non sinalado a David.

Na segunda metade continuou a igualdade entre ámbolos dous equipos, aínda que o Malpica estivo moito mellor plantado que na primeira metade, xa que xuntou máis as liñas eliminando as dificultades defensivas do periodo anterior. Deste xeito, o Sofán apenas creou perigo, salvo nos últimos minutos a balón parado en busca do empate que non lograron. Foi unha parte moi pelexada polos dous conxuntos, onde o fútbol vistoso deixou paso á brega, e neste contexto o Malpica soupo sacar proveito das ocasións que tivo.

En definitiva, tratouse dun partido duro e de fútbol directo típico dos partidos de rivalidade desta Liga da Costa, no que o Malpica volveu a vencer ao Sofán (algo habitual nos últimos enfrontamentos entre eles). Cabe destacala actitude dos xogadores malpicáns, xa que nunca baixaron a cabeza, a pesar de que o Sofán empatou o partido dúas veces, obtendo como recompensa unha importante victoria, xa que suman 6 puntos e gañan lonxe da Pedra Queimada, algo que nas últimas tempadas sucede poucas veces. Pola súa banda, o Sofán queda nunha situación complicada, tendo en conta que aspiran a estar na parte alta da táboa.

martes, 22 de septiembre de 2009

MALPICA 0 - ZAS 2

SCD Malpica: Toni; Marco, Marcos Amado, Alfredo II, Iago, Rancaño, (Eloy, 46’) Neucha, Casais, (Manu Pardo, 63’), David Blanco, Charly, (Alfredo, 55’), Andrés, (Ismael, 71’)

SP. Zas: Norberto; Pereiro, Roli, Julián, Quico, Jorge, Navarro, (Churi, 77’), Adrián, Rubio, (Juan, 85’), Braulio, Pichín, (César, 87’).

Árbitro: Sr. Grañas Martínez. (A Coruña). Mala actuación a súa, sobre todo en dúas xogadas puntuais na segunda metade (que deron lugar ós goles visitantes) e constantemente na primeira metade pitando a favor do Sporting Zas.

Goles: 0 - 1; (61', Navarro). Pase en profundidade de Braulio e Navarro, en fora de xogo, bate ao meta local Toni. 0 - 2; (67', Rubio). Xogada de ataque malpicán pola banda esquerda, o Zas rouba a pelota na liña divisoria pero o balón parece que sobrepasa a liña de banda e os xogadores locais quedan parados esperando a que o árbitro pite, pero éste nono fai e Navarro cambia de banda para a entrada de Rubio que se planta só ante o porteiro do Malpica.

Incidencias: Boa entrada na Pedra Queimada (150 persoas, aproximadamente) nunha tarde soleada e agradable. Non houbo ningún expulsado. Lamentala lesión do mediocentro local Rancaño, aínda que non reviste excesiva gravidade (parece unha sobrecarga).

Crónica: Partido atractivo o que enfrontaba ao Malpica e ao Zas na terceira xornada da Liga da Costa. A primeira metade foi moi igualada, aínda que o xogo non foi nada fluido, predominando o xogo directo, probablemente porque ámbolos dous equipos teñen xente moi veloz na súa dianteira. Consecuencia dese xogo directo e da igualdade entre os equipos foron as escasas ocasións de gol neste período: Neucha (20´) nun saque de falta directa que sae pegada ao poste esquerdo da meta defendida por Norberto; Rubio (31´) nunha internada pola banda esquerda plántase ante Toni pero responde moi ben o porteiro local; Rancaño (40´) atópase cun balón franco na área visitante pero o seu disparo coa perna esquerda (a menos boa) sáelle moi frouxo.

Na segunda metade o partido vai decantándose cara o lado zaense pouco a pouco, xa que o "cuarteto" atacante visitante atopa máis espacios dado a incapacidade do Malpica para mantela posesión de balón, quizáis debido a lesión de Rancaño. Non obstante, aparte dos goles, o Zas só tivo dúas ocasións de gol claras: no minuto 70 mediante un tiro de Navarro, e no desconto cunha ocasión múltiple que salva moi acertadamente Toni. Por parte do Malpica, hai que destacala ocasión de Alfrediño (76´), que tralo erro garrafal da defensa visitante plántase só ante Norberto pero non define.

Parece que o Malpica perde fuelle trala súa goleada na primeira xornada (5-0 fronte ao Fisterra), xa que suma dúas derrotas consecutivas. Sen embargo, perder ante o Zas era algo que entraba dentro do previsible, quizáis doe máis a derrota sufrida na segunda xornada fronte ao San Lorenzo, posto que o partido estaba dominado claramente polo Malpica pero dous despistes propiciaron a remontada local. Pero non debe cundilo pesimismo, dado a boa imaxe mostrada nas primeiras partes das últimas xornadas que deben selo espello no que mirarse de cara o futuro, comezando este fin de semana en Sofán (o resultado do ano pasado foi de 1-3, cun hat-trick do ex-dianteiro malpicán Charro).

martes, 8 de septiembre de 2009

Malpica 5 - Fisterra 0

SCD Malpica: Toni; Andrés, Marcos Amado, Iago, Marco, Eloy, (Ismael, 74’), Neucha, Casais, (Alfredo II, 69’), Charly,(Carlitos, 63’),Rancaño,(Víctor, 79’), Cheo, (Alfredo, 37’).

SD Fisterra: Quique; Sergio, Dudo, (Leo, 46’), Xusto, Manuel Cartamil, Javier, (Borja Munitis, 46’), Roa, Julio, (Edi, 66’), Tata, (Nacho, 61’), Mané, Borja Santos. Árbitro: Sr. Rodríguez Viñas, (A Coruña). Algo caseiriño. Correcto nas expulsións.

Goles: 1-0, (8’): Neucha, de falta directa. 2-0, (31’): Cheo, en xogada individual, ao interceptar un pase do defensa fisterrán Dudo. 3-0, (44’): Charly, ao rematar en carreira un medido centro de Neucha, despois dunha gran xogada persoal deste. 4-0, (88’): co Fisterra en busca do gol da honra, Alfredo, recibe un pase en profundidade, internase pola banda dereita e, ao chegar ao borde da área, lanza un durísimo chupinazo, que, o porteiro fisterrán Quique, a pesar de tocalo balón, non pode impedir que chegue a rede. 5-0, (90’): Marcos Amado, de falta directa, redondea a conta goleadora para a SCD Malpica.

Comentario (Luis E. Porto): Comeza con boas sensacións a SCD Malpica esta liga, parece que non quere pasar os apuros doutras tempadas, e para elo, saíu moi metido no partido, pois no min. 5, xa Cheo, desperdiciou unha clara ocasión de gol ao rematar mal un medido centro de Rancaño, logo viñeron os tres goles na primeira parte, que tranquilizaron a parroquia, pero aínda antes do descanso, Charly, (42’), aínda tivo ocasión de aumentar o tanteo, ao rematar fora de cabeza, en inmellorable ocasión un saque de falta de Alfredo.A SD Fisterra; un equipo que causou unha débil impresión esta tarde, sobre todo na parte defensiva, e que ademais estivo romo en ataque, aínda que buscaron sempre a referencia no seu goleador Mané, xogador moi corpulento que busca sempre de cara a portería, pero que hoxe non tivo o seu día; dominou casi toda segunda parte, favorecidos polo repliegue da SCD Malpica, que nesta parte xogou ao contraataque, sabendo nadar e gardar a roupa, froito delo, foron os novos dous goles conseguidos.En resumo, non foi un partido de moita calidade futbolística, na que a SD Fisterra, só tirou unha vez con perigo sobre a portería de Toni, e foi no min. 19 por mediación de Borja Santos, que o porteiro malpicán parou con acerto. Os fisterráns, teñen que mellorar moito, sobre todo en defensa, pois das súas facilidades, aproveitáronse os malpicáns para golear. O equipo do cabo, non dubido que mellorará, pois ten xogadores para facelo, ademais, a súa fama de correosos, e, de non dar un balón por perdido seguro que os levará a postos mais altos na táboa.

martes, 28 de julio de 2009

Presentación

O proximo venres dia 31 está fixada a presentación da SCD Malpica e donde se confirmará o proxecto da vindeira temporada e incorporacion de xogadores.

Hai que informar ademais que na noite do pasado sabado poduciuse o roubo de todo o material deportivo do Malpica (equipacións, balóns, etc).

martes, 21 de julio de 2009

Volveremos...

Despois de moito tempo esta páxina estará activa moi pronto.

martes, 3 de marzo de 2009

Partido Carnota - Malpica

Moito se está a falar do sucedido no partido Carnota - Malpica do pasado domingo. Persoalmente quero condenar todo xénero de violencia co colexiado, como supoño a maioria da xente. O que si me gustaría é narrar algúns acontecementos que se produciron no partido e que parece se lle escapan a todo o mundo que estivo alí.
Sobre o minuto cinco de partido o noso lateral Amado faille unha falta o numero 9 do Carnota. Estando os dous tirados no chan Amado recibe unha agresión "que todo mundo viu" menos o árbitro. Un erro teno calquera. Antes de pitar o primeiro penalti o xogador do carnota dille o árbitro "mira las manos", faille caso e pita. O noso central Iago dime que non é penalti. Bueno esa era dudosa.
Xa na segunda parte antes de entrar o campo falo con él, ou polo menos intentoo e dígolle que ten que entender a nosa situación e que temos que protestar algúnha da suas decisións. Él dime que non hai nada que protestar que el pita o que ve. Vale, lóxico.
Xa no campo chega a expulsión de Charli, moi rigurosa vendo o acontecido anteriormente. Que se lle vai facer equivocouse outra vez.
Empata o Carnota nunha boa xogada, nada que dicir.
Chegado este momento logo dun balón en largo o noso favor un defensa e o poteiro carnotán chocan ante a presencia de Charro. O defensa queda tendido no chan polo golpe e o porteiro levantase, e co puño en alto insulta deliberadamente a Charro. Ben é sabido que esto é expulsión, pois o arbitro xa para lucirse sacoulle amarela. Posteriormente aclarado quedou entre o porteiro, o defensa e Charro, que este último nin empuxou nin nada parecido o defensa.
Despois desta xogada o noso entrenador estaba cabreado lóxicamente. Tra-las protestas pertinentes o colexiado achegouse e dixolle moi amablemente - ¡Metase en el banquillo, que ahi no puede estar!- e ata que se sentou non marchou de alí despois de amonestalo. Curiosamente Cambeiro estaba tamen situado da mesma forma e nin palabra.
Quero deixar claro que non teño nada en contra de nadie do Carnota porque non hai razón para elo xa que en todo momento eles miraron polo seu que era o que tiñan que facer e pídolle desculpas se os ofendo en algo que non lle pareza ben, pero solo conto o que pasou.
Chegaría entón o momento clave, penalti o favor do Carnota. Claro. Pero claro tamén é o fora de xogo que estamos a protestar, que todo o mundo pensa que protestamos o penalti. Entón expulsou a Busto, penso que de forma correcta, pero incompresiblemente, Marco que era o único que lle protestou cun pouco de educación (o resto non o fixemos) é expulsado. Senon todos casi todos os xogadores carnotáns admitiron que o fora de xogo era claro e algún incluso se lle escapou unha risa e a palabra "atraco".
Xa con oito xogadores varias faltas non pitadas e os gestos do arbitro cara nos cunha prepotencia e descaro que non logrei entender puxeron os nervios a flor de pel.
É curioso que antes do partido lle dixese esta frase a Amado -Haber se non a arma-.
Pero se nos fixamos vemos que este mesmo "árbitro" dirixiu o Fisterra - Malpica disputado en Corcubión. Oin por ahí que eles se queixaran do árbitro, pero ben é certo que equivocarse en saques de banda ou nalgunha falta non é o mesmo que equivocarse anulando un gol por fora de xogo inexistente e non pitar un penalti clarísimo (todo isto cun Delegado Federativo na grada que admitiu os erros do colexiado).
Quero deixar claro que con esto non intento xustificar a agresion o colexiado e tamen dicir que nin sei como foi (estaba nos vestiarios) nin sei o que pasou despois xa que o campo abandoneino en coche particular.
Gustaríame pedir disculpas pola parte que me toca xa que tras doce anos mais ou menos que levo xogando e vendo o Malpica nunca se produciu ningúnha acción deste tipo e da que seguro nos avergoñamos todos. Pero tamén me gustaría reflexionar e pedirlle a algún colexiado (algún bo tamén hai) un pouco máis de humildade, porque o fútbol é un xogo no cal intentamos divertirnos e pasar unha boa tarde, que gañes ou perdas a veces é o de menos pero que cheges a casa e te sintas "jodido" porque un señor che falta o respeto e ti non poidas dicir nin esta boca é miña, pois é triste.

Alfredo Suárez

martes, 24 de febrero de 2009

SCD Malpica 3 - Camariñas CF 1

SCD Malpica: Toni; Busto, Marcos Amado, Alfredo II, Iago, Eloy, (Manu Pardo 69’), Alfredo, (Víctor 75’), Andrés, Charro, Lema, (Marco 73’), Quique, (Charly, 41’).

Camariñas CF: Marcos, Pesqui, Nico, Breogán, (Yago 36’), Alejandro, Moriño, (Seso 67’), Gerardo, Perucho, (Javi 71’), Pedro, Ismael, (Brais 63’), Tedín, (Pablo 67’).

Goles: 1-0, (18’): Alfredo, dende o borde da área, saca maxistralmente unha falta directa por encima da barreira. 2-0, (58’): Charro, de vaselina por encima do porteiro camariñán Marcos, en xogada persoal. 3-0, (76’): Manu Pardo, noutra preciosa vaselina dende fora da área, ante a saída desesperada de Marcos. 3-1, (89’): penalti de Víctor a Pedro que Pesqui transforma, de primeiro para Toni, pero o coiro entra mansamente na portería malpicana.

Árbitro: Sr. Acuña Piñeiro. (A Coruña). Aceptable. Expulsou ao camariñán Gerardo, (vermella directa) por facerlle observacións con reincidencia.

Ambiente e Incidencias: 125 persoas na “Pedra Queimada”. Tarde soleada con lixeiro vento do Nordeste bastante frío. Quique, (41’), (SCD Malpica) e Breogán, (36’), (Camariñas CF) tiveron que retirarse lesionados tras un choque fortuíto entre ámbolos dous, pero sen consecuencias maiores.

Comentario (Luis E. Porto): Partido de nervios para os locais o disputado esta tarde en Malpica fronte á un Camariñas ben posicionado na táboa clasificatoria. Os malpicáns, saíron con gañas e aos 18 minutos , xa puñan o marcador ao seu favor grazas a un bonito gol de falta directa de Alfredo, que parece volver a retomar a súa forma doutras tempadas. Catro minutos despois (22’) o Camariñas por medio de Tedín, aproveitaba unha indecisión defensiva malpicana, salvando baixo paos en in-extremis Andrés.Fora desta xogada camariñán, os locais seguiron levando a iniciativa e nos minutos 25’ e 33’, Charro, desborda a defensa pola banda esquerda con centros sobre a área e Lema, erra as dúas veces a medio metro da portería.O Camariñas na segunda parte, saíu con moitas mais gañas en busca da remontada, e, nos primeiros 15 minutos desta parte fixo un fútbol combinativo pero con pouca profundidade, gañándolle sempre a partida a defensa local as accións dos incisivos dianteiros. A SCD Malpica, pouco a pouco foise sacudindo o dominio e Manu Pardo, (72’) envía unha volea ao poste cando se cantaba o gol . Respondeu o perigoso dianteiro visitante Pedro cun cabezazo, que Toni, salva nunha gran intervención, logo, nunha contra, Charro envía un centro que Manu Pardo de cabeza a porta valeira remata fora por moi pouco.

lunes, 16 de febrero de 2009

Fisterra 0 - Malpica 0

SD Fisterra: Antonio; Borja, Falito, (Cote 63’), Chula, Xusto, Sergio, Marco, (Xaco 66’), Piti, (Jesús 46’), Roberto, (Manuel 46’), Roco, Luisito.

SCD Malpica: Toni; Busto, Marcos Amado, Alfredo II, Iago, Eloy, Alfredo, (Fran-Martuxa 78’), Avelino, Charro, (Lema 78’), Quique, (Charly, 81’), David Blanco.

Árbitro: Sr. González Márquez. (A Coruña). Desconcentrado. A pesar da deportividade mostrada polos dous equipos, o colexiado estivo mais nervioso cos xogadores. Deixou de pitar un clamoroso penalti sobre Alfredo (49’). Anuloulle un gol a Charro, por suposto fora de xogo (73’). Expulsou ao fisterrán Luisito, con dobre marela, por facerlle observacións lóxicas. Enseloulle tarxetas amarelas inxustificadas a todo xogador que, ou ben abría a boca ou ao mínimo contacto, puido verse impresionado, pola presenza no partido dun Delegado Federativo.

Ambiente e Incidencias: 110 persoas nas bancadas do “Novo Cubaleiro”. Tarde soleada. Expulsado (81’) Luisito (SD Fisterra). Deste equipo tivo que retirarse lesionado con problemas musculares, Falito, (63’).

Comentario: Moito se xogaban neste encontro ámbolos dous equipos, froito delo, saíron a disputalo con moita tensión. Na primeira parte, levou a iniciativa a SCD Malpica, pero foi o fisterrán Luisito nun saque de falta que puxo en apuros a Toni (4’).Charro, (12’), cun tiro moi colocado pero algo frouxo puxo aproba a axilidade do porteiro fisterrán, Antonio. A SCD Malpica, seguiu todo o primeiro tempo creando perigo, pero, unhas veces a falta de acerto e outras as paradas de Antonio, abortaron as ocasións. Na segunda parte, os locais saíron a polo partido e plantáronse mellor no terreo de xogo, pero os malpicáns hoxe eran un equipo correoso e combativo, sobre todo defensivamente, e tapaba tódolos ocos non lle deixando manobrar aos dianteiros da SD Fisterra, que só puideron chegar con perigo, nunha bonita xogada de Manuel con centro sobre Luisito, pero o remate de cabeza deste a porta valeira, pegou no longueiro e o rexeite foi as mans de Toni.A pesar de verse dominados, tivo a SCD Malpica as mellores ocasións, (49’), penalti a Alfredo, que o árbitro non sinala. (73’), gol anulado a Charro, por suposto fora de xogo, e Charro de novo (76’), desaproveita unha gran xogada de David Blanco, tirando fora cando se encontraba só ante Antonio.
(Fotos: Oscar Santos - Que pasa na costa)