lunes, 30 de abril de 2012

COPA DA COSTA 2012

A SCD Malpica inicia a súa andaina na Copa da Costa disputando a ida dos dezaseisavos de final:

- Santa Comba - SCD Malpica, martes día 1 de maio ás 18:00 horas no campo de Fontenla (Santa Comba).

LIGA DA COSTA 32ª XORNADA: MUROS 4 - SCD MALPICA 1.

MUROS SD: Fabio, Alberto, Marco, Mayuyo (Teo min.89), Gael, Gelo, Adrián (Kiko min.67), Jesús, Aitor (Javi min.84), Óscar Maema (Yanky min.69), Sexo.

SCD MALPICA: Suso, Miguel Avelino, Marcos Amado, Charlie, Marco, Andrés (Manu Pardo min.62), Neucha, Rancaño, Pablo (David Blanco min.40), Tato, Charro.

Árbitro: Aguiar Patricio. Moi correcto durante toda a tarde sen deixarse intimidar polos locais e aplicando o reglamento con criterio. Non houbo expulsados.

Incidencias: Tarde con nubles e claros, cunha temperatura agradable. Uns 100 espectadores presenciaron o encontro en Miraflores. O malpicán Pablo tivo que retirarse lesionado cun golpe no nocello dereito tras apoiar mal nun salto.

Goles: 1-0 (min.47): Balón en profundidade cara Sexo na posición de extremo esquerdo, apura a líña de fondo e centra ao punto de penalti onde remata Adrián que se anticipa á defensa e porteiro visitantes. 1-1 (min.70): Gran pase en profundidade de Marcos Amado cara Tato que encara a Fabio e anota de tiro raso cruzado. 2-1 (min.74): Combinación da dianteira local no pico da área esquerda do seu ataque que culmina cunha gran xogada individual de Gelo que dribla a un defensa e bate a Suso cun fenomenal disparo que da no longueiro antes de entrar. 3-1 (min.86): Sexo recupera o esférico no seu propio campo, fai unha parede cun compañeiro, recorre toda a banda esquerda e plántase ante Suso para marcar de tiro raso. 4-1 (min.90): Balón en longo sobre a líña de tres cuartos, a defensa malpicán erra, Sexo recolle o balón morto volvendo a plantarse ante Suso resolvendo no man a man.

Crónica: Tra-lo inesperado tropezo na xornada anterior ante o Zas, a SCD Malpica afrontaba unha complicada visita a Muros (un dos campos máis complicados da categoría) apurando as opcións de ser terceiros. David Baña, adestrador malpicán, contaba coas seguintes baixas: Óscar Moscoso, Cheo, Víctor (por motivos laborais), Dani (tamén por motivos laborais) e Iago (sancionado). O partido comezou cun Malpica un tanto adormilado, mentres que semellaba que era o Muros o que se estaba a xogar algo. Non lograron adaptarse ás reducidas dimensións do terreo de xogo e apenas contaron con aproximacións perigosas, mentres que sufrian a balón parado nos saques de curruncho e de banda locais. A SCD contou apenas con dúas oportunidades de gol: un pase en profundidade de Tato sobre Pablo pero chega moi forzado botándoselle o gardameta local encima; e un disparo de Tato dende a frontal que Fabio despexa con apuros. O Muros tivo varios acercamentos perigosos, destacando os seguintes: Adrián penetra pola dereita e o seu disparo despexao Suso a saque de esquina; disparo de Sexo dende o pico esquerdo da área que de novo Suso despexa cunha gran estirada; nova internada de Sexo que se planta ante Suso pero o seu tiro volve a sacalo o gardameta.

A segunda parte non podía comezar peor para os malpicáns, pois en apenas un minuto chegou o primeiro gol dos locais. A SCD tratou de adiantar líñas e apretar un pouco máis, pero non mostraron moitas imprecións e faltaron ideas para superar a unha segura defensa local. Froito desta circunstancia foi que o Malpica non tirou a porta con perigo nestes segundos 45 minutos, e tan só deron a sensación de poder marcar (ademais de na xogada do gol) nun "pase da morte" que o Charro enviou cara David Blanco pero que foi atallado polo porteiro local. Pola contra, o Muros acumulaba bastante xente en mediocampo tratando de recuperalo balón e envialo en profundidade cara Sexo que hoxe tivo unha tarde moi inspirada. Nos minutos finais, e co Malpica arriesgando en busca do empate, os locais "mataron" o partido á contra.

Derrota merecida da SCD que propicia que agora o terceiro posto quede a catro puntos cando tan só quedan dous partidos por disputar. Mala imaxe a que amosou o equipo azulón que nas últimas xornadas parece que perde un pouco de fuelle. O vindeiro encontro de liga será na Pedra Queimada fronte ao San Lorenzo.

lunes, 23 de abril de 2012

LIGA DA COSTA 31ª XORNADA: SCD MALPICA 1 - SPORTING ZAS 1

SCD MALPICA: Suso, Charlie, Marcos Amado, Iago, Andrés, Rancaño, Neucha, Charro, Pablo (Casais min.65), Manu Pardo (Tato min.46), David Blanco.

SPORTING ZAS: Elías, Dani, Pereiro, Maceda, Oliver, Lagoa, Rubio (Víctor min.90), Jorge, Peque (Amado min.80), Ismael (Quintáns min.91), Jaime (Pablo min.75).

Árbitro: España Andrade. Correcta actuación na tarde de onte. Mantivo durante todo o partido o mesmo criterio para ámbolos dous conxuntos sabendo levalo control sen abusar dos cartóns. Quizáis o seu único "pero" estivo en que na segunda parte permitio que os visitantes perdesen bastante tempo. No min.30 sinalou penalti por un claro derrubo de Lagoa sobre o local Pablo. Non houbo expulsados.

Incidencias: Bo ambiente na Pedra Queimada, cuns 150 espectadores nunha tarde con grises e claros pero cunha temperatura agradable. Non houbo lesionados de gravidade.

Goles: 1-0 (min.5): Xogada individual de Charro pola banda dereita, apura a líña de fondo enviando un centro a media altura que semellaba que Elías atrapaba sen dificultades pero escápaselle de entre as mans e o esférico peta na parte interior do pao traspasando a líña de gol. 1-1 (min.12): Jorge envía dende a posición de tres cuartos un pase en profundidade cara Jaime que recibe no pico esquerdo da área, dispara a porta o balón rebota en Charlie cando tentaba taponar descolocando a Suso e cólase polo primeiro pao.

Crónica: Logo do agónico triunfo da semana pasada en Dumbría (0-1 no minuto 93), a SCD Malpica recibía na Pedra Queimada ao Sporting Zas, nun encontro de contrastes, pois os malpicáns están pelexando pola terceira plaza (que dá dereito ao ascenso) mentres que os visitantes tratan de evitalo descenso (antes do encontro estaban a tres puntos). O conxunto adestrado por David Baña acumulaba as seguintes baixas: Óscar Moscoso, Cheo, Víctor (por motivos laborais), Marco (por enfermidade), Dani (por motivos laborais) e Miguel Avelino (por cuestións persoais). A SCD desenvolveu unha boa primeira metade, logrando o control total da posesión ante un Zas que xuntaba moito as líñas na sua parcela de terreo pero que non presionaba a saída de balón local. Os locais chegaban con facilidade á zona de tres cuartos do ataque, alternando xogadas combinativas en curto con balóns en profundidade tratando de explotala velocidade dos seus atacantes, contando con varias oportunidades claras para marcar: centro de Charlie dende a dereita que Neucha falla libre de marca no segundo pao; Neucha recibe un pase en profundidade gáñalle a posición ao defensa pero no man a man Elías detén o seu intendo de vaselina; Pablo manda alto o penalti cometido sobre el mesmo; disparo dende a frontal de David Blanco que sae preto do pao esquerdo. Os visitantes mostraron unha efectividade do 100% nestes primeiros 45 minutos, pois materializaron o seu único lanzamento a porta, mentres que en defensa trataban de soportalos continuos ataques dos azulóns.

Na segunda parte o xogo do Malpica sufriu altibaixos, combinando accións moi boas con outras fases onde houbo demasiadas imprecisóns e precipitacións. Faltoulles un pouco de claridade para crear máis perigo, e a medida que os minutos pasaban os nervios ían en aumento, ante un Zas que durante boa parte desde período dedicouse a deixar que correse o tempo deixando claro que lle valía o empate. A pesar de que os malpicáns estiveron algo "espesos", contaron de novo con varias accións claras para marcar: centro raso de Tato dende a dereita cara o segundo pao onde Charro sen oposición envía alto dende o borde da área pequena; nova oportunidade de Neucha que recibe no segundo pao pero dispara desviado de primeiras cando se atopaba libre de marca; saque de esquina que bota Tato pero Charlie cabecea desviado. Polo que atinxe ao Zas, trataba de crear perigo mediante transicións rápidas buscando a velocidade dos seus extremos, pero tamén lles faltou claridade nos últimos metros para crear perigo; destacaron un centro-chut de Rubio que Suso atallou cunha gran estirada e un disparo raso cruzado de Rubio que pasou preto do pao esquerdo.

Empate do Malpica que sen facer un gran encontro acumulou varias oportunidades para gañalo partido con comodidade, pero onde de novo a falta de puntería foi o seu "tendón de aquiles". Tras este empate, a SCD descende dous postos, pois agora ocupa a quinta posición pero a tan só un punto do Corme que é quen ocupa o terceiro posto. O vindeiro fin de semana os malpicáns deberán desprazarse ata Muros nunha saída nada sinxela.

lunes, 16 de abril de 2012

LIGA DA COSTA 30ª XORNADA: DUMBRÍA "B" 0 - SCD MALPICA 1

CF DUMBRÍA "B": Anxo, Yerai, José Manuel, David Carreira, Samuel, Riki, Chucho, Rodrigo (Ivanete min.84), Fernando (Pablo min.68), Josiño (Tantán min.53), Miguel Poyo.

SCD MALPICA: Suso, Charlie, Marcos Amado, Iago (Manu Pardo min.81), Daniel Varela (Andrés min.51), Rancaño, Dani (Neucha min.46), Charro, Pablo (Miguel Avelino min.94), Tato, David Blanco.

Árbitro: Souto Budiño. Moi ben durante a primeira metade. Na segunda parte estivo regular, pois non puxo freno ás constantes perdas de tempo locais. Controlou ben o encontro sen necesidade de abusar dos cartóns. Non houbo expulsados.

Incidencias: Pouco público no Conco, cuns 75 espectadores. Tarde fría e con vento moderado. O xogador do Malpica Iago abandonou o terreo de xogo por un golpe nun pé.

Goles: 0-1 (min.93): Saque de esquina dende a esquerda que executa Manu Pardo cara o primeiro pao onde cabecea Charlie que se adianta ao seu marcador.

Crónica: Despois dunha semana de inactividade futbolística na Costa debido á festividade de Semana Santa volvía o fútbol. A SCD Malpica viaxaba ata Dumbría para enfrontarse ao filial do conxunto local coa esperanza de conseguila vitoria e seguir pelexando polos postos altos da táboa clasificatoria. O adestrador malpicán, David Baña, contaba coas baixas habituais de Óscar Moscoso e Cheo. A SCD saiu moi ben, tendo a posesión de balón e chegando con moita claridade ás inmediacións da área local, mentres que practicamente gañaba tódolos balóns divididos no mediocampo e apenas sufría en defensa. Sen embargo, as difíciles condicións climáticas (con vento e cun campo moi rápido pola choiva) e certa imprecisión nos metros finais provocaron que o marcador non se movese. As mellores oportunidades foron: xogada individual pola banda esquerda de Pablo que se planta ante Anxo pero con pouco ángulo e o seu disparo despexao o gardameta; falta dende a frontal que executa Tato e peta no pao dereito despois de rozar na barreira; tiro de Tato dende a frontal que sae alto tras unha boa combinación do ataque malpicán; xogada de Charro que se desfai dun rival plántase no borde da área pero dispara desviado. Nos últimos 10 minutos da primeira metade o encontro entrou nunha fase sen dono, cun Dumbría que xogaba directo pero onde apenas tivo opcións de gol, salvo nun saque de esquina que David Carreira cabeceou alto no segundo pao.

Na segunda parte o dominio foi absoluto do Malpica, que a pesar do vento en contra meteu aos locais na súa propia parcela de campo, monopolizando a posesión e as oportunidades de gol (o Dumbría non disparou a porta nestes segundos 45 minutos). Pero de novo houbo impreción e precipitación nos metros finais, e a medida que o tempo pasaba os nervios visitantes ían en aumento conscientes de que o empate era un mal resultado vistos os méritos de ámbolos dous conxuntos. A SCD chegaba constanmente ás inmediacións da portería local pero non lograban culminalas xogadas, destacando as seguintes: Charlie centra dende a dereita cara Pablo que remata de chilena que sae rozando a escadra dereita; David Blanco penetra na área tras recibir un paso en profunidade pero dispara ao lateral da rede; Manu Pardo saca unha falta rápida cara David Blanco que con todo de cara dispara ás mans de Anxo. Nos últimos minutos o Malpica "asediou" aos locais mediante balóns directos, chegando o gol case na última xogada despois de varios saques de esquina consecutivos.

Importante triunfo da SCD, que semellaba gafada hoxe de cara a gol ante un Dumbría "B" que aguantou como puido pero que apenas se amosou en ataque. Ademais, os malpicáns ascenden un posto na clasificación e agora ocupan a terceira plaza con un punto de vantaxe sobre o Corme. A vindeira semana reciben na Pedra Queimada ao Sporting Zas.

lunes, 2 de abril de 2012

LIGA DA COSTA 29ª XORNADA: SCD MALPICA 2 - ESTEIRANA 0

SCD MALPICA: Suso, Charlie, Marcos Amado, Iago, Daniel Varela, Rancaño (Manu Pardo min.67), Dani (Neucha min.73), Charro (David Álvarez min.88), Pablo, Tato, David Blanco (Gonzalo min.90).

SCDR ESTEIRANA: Beni, Codesido, Simón, Dani Rama, Maceiras (David min.69), Adrián (Ángel min.79), Álex, Yago, Roberto Pladur, Adelino, Isma.

Árbitro: Pérez Rellán. Boa actuación na tarde de onte, non se complicou a vida nun encontro onde houbo poucas accións polémicas e soubo levalo control da contenda sen apenas amosar cartóns. No minuto 50 sinalou penalti a prol do Malpica por un derrubo innecesario de Maceiras sobre Charro cando o balón xa estaba en posesión do seu equipo. Non houbo expulsados.

Incidencias: Tarde soleada pero cun vento moderado que tivo certa influencia no xogo. Pouco público na Pedra Queimada, con menos de 100 espectadores. Non houbo mancados de consideración.

Goles: 1-0 (min.16): Falta lateral dende a esquerda que Tato saca rasa e moi cerrada, o balón pasa por toda a área sen que ningún atacante nin defensor a toque e cólase polo segundo pao. 2-0 (min.50): O penalti sobre Charro é materializado por Pablo que engana a Beni.