Fotos

Plantilla 2006/07

Campíons Liga Xuvenil Temporada 03/04

Xuvenís Temporada 03-04

Infantiles Temporada 99-00

Infantiles Temporada 99-00

Infantiles Temporada 98-99

Lema nos seus tempos mozos

Aqueles maravillosos anos
(Marco, Cristian, Lema e Igor)

Temporada 96-97(2)

Temporada 96-97

Temporada 95-96

Ano 1995

Temporada 94-95 Xuvenís

(Os documentos que non se podan ampliar, copieos e pegueos no seu escritorio, asi poderá velo en tamaño real)

Malpica 4 - Baio 2

Malpica: Toni, Victor, Alfredo, Iago ( Charli), Diego, Marco ( Coki min.80) Kike ( Martuxa min. 61) Manuel, Lema ( Charro min. 72), Alfredo Suárez, Rodrigo.
Baio: Trucho, Ramón, Diego Costa ( Muíño min. 68), Iván, Cristian ( Santi min.68), Mario, Alberto, Dario ( Carro min. 24), Carlos, David Costa ( Fermín min. 66)
Goles: 1-0: Rodri min.12; 2-0: Rodri min. 18; 2-1: Carlos min. 22; 2-2 Carlos min.28; 3-2 Alfredo S. min. 72; 4-2 Manuel min.79.

Bo ambiente na Pedra Queimada con ó redor de 120 persoas nun partido no que o Malpica trataba de reecontrarse ca vitoria e seguir facéndose forte no seu campo. O partido comezou de forma trepidante, non había un dominio claro e ambos equipos dispuxeron de algunha ocasión. Froito deste descontrol, rondaba o minuto 12 cando Alfredo Suárez iniciou un contragolpe pola banda esquerda, foise en velociade do seu marcador e puxo un preciso centro que Rodri, con moita clase, matou co peito e sen deixala caer mandou o balón a escadra dun certeiro zurdazo. O partido poñíase de cara para o equipo local o que lle axudou a seguir dominando nos minutos seguintes, froito desa presión e tan só 6 minutos despois, Rodrigo conseguía aproveitar un mal despexe do porteiro para poñer ó Malpica dous goles por diante. O partido parecía medio resolto, pero incompresiblemente o conxunto de Esmorís votou unha sesta de 10 minutos que o Baio aproveitou para reestablecer as taboas no marcador con dous goles de Carlos, o primeiro nunha xogada colectiva e o segundo cun gran disparo dende o pico da área. A primeira parte remataría sen máis sobresaltos. O segundo tempo comezou sen un dominador claro, pero o Malpica non tardou en facerse co control do partido. De feito, foi xusto despois da mellor ocasión do Baio, cun disparo dende a área pequena que Toni despexou nun alarde de reflexos, cando o equipo local decidíuse a ir polo encontro. Así, no minuto 72 Alfredo Suárez, que xa dispuxera minutos antes dunha gran ocasión cun disparo desviado despois dunha gran xogada persoal, poñía por diante ó Malpica ó aproveitar unha boa deixada de Charli tras un barullo na área e cruzar o balón facendo inútil a estirada de Trucho. O Baio tivo que estirarse e entón apareceron máis espazos para os anfitrións, cando se estaba chegando ó minuto 80 Rodri meteu un gran pase ó Charro que quedou só diante do porteiro e foi derribado ó borde da área polo porteiro visitante. Manuel executouna moi ben enganado ó porteiro perfectamente e colocando o balón no fondo das redes.

Gran vitoria do Malpica que colle confianza para afrontar o difícil partido da próxima xornada na que visitará o feudo do lider, o Cee.

Muros 3 - Malpica 3

Partido moi disputado o de Miraflores, donde o Malpica saiu presionando dende o primeiro momento. Xa no minuto cinco, nunha acción moi protestada, Manu conseguía transformar en gol a infracción indicada polo colexiado por esgotamento de tempo do porteiro no saque. Poñíanse ben as cousas para o equipo visitante, sen embargo, pouco despois, o Muros conseguía a igualada nunha xogada afortunada. Xa na segunda parte o Malpica volvía a adiantarse grazas o gol de Alfredo, nunha xogada ben trenzada por todo o equipo. Ahí acabouse o dominio do dos visitantes e o equipo local volcouse sobre a porteria de Toni. Asi, cun fallo do Malpica, e cun corner ben rematado por Xurxo, o Muros conseguiu darlle a volta o marcador. Cando xa todo o mundo cria na victoria do Muros, Sasanno sacou probeito dun barrullo dentro da area e estableceu o tres a tres no marcador. O Malpica segue ca racha dos empates, nunha xornada donde claramente mereceu a victoria. Hai que destacar a mala actuación do colexiado, protestada tanto por locales como visitantes, nun partido que se lle foi das mans dende o primeiro minuto, perxudicando a ambolos dous equipos e incluso chegando a enfrentalos con decisións "incribles".

Muros - Malpica : 3-3. Boa entrada en Miraflores, con 150 aficionados.

Goles: 0-1, min 5: Manuel; 1-1, min 12: Xurxo; 1-2, min 73: Alfredo; 2-2, min 87: Mallu; 3-2, min 92: Xurxo; 3-3, min 93: Sassano, que primeiramente anulou e despois concedeu. Os locais dominaron os primeros 45 minutos, pero o Malpica, ca entrada de Sassano, mandou na segunda parte. Foron expulsados mediocentro do Malpica Andrés e o adestrador visitante Esmoris.

Malpica 1 - Castriz 1

Malpica: Toni, Avelino, Victor, Marco, Diego, Andres, Manu (Quique min.66), Alfredo, Martuxa, Lema ( Charli min.56), Rodrigo ( Charro min. 71)

Castriz: David, Martín, Jose Manuel, Alejandro, Roberto, Jota, Bruno(Jesus min.56), Victor, Ancho ( Bruno Prego min.86), Cesar ( Sebastian min. 65), Jesus Manuel (José Luis min. 65)

Goles: 1-0: Manu, dende fora da área; 1-1 Victor só ante Toni

Tarde perfecta para xogar ó futbol na Pedra Queimada que rexistrou unha boa entrada. O Malpica pretendía recuperarse do traspés da semana anterior en Ponte do Porto e afrontaba o partido con moitas ganas. Así, xa dende o primeiro minuto comezou dominando o encontro aínda que sen moita profundiade, as chegadas eran escasas, pola súa parte, o Castriz permanecía ben pechado atrás coa esperanza que poder facer dano en algunha contra. Estábase chegando ó minuto 13 cando Manu colleu o balón na banda esquerda, recortou ó lateral e sen pensalo mandou un zapatazo que se colou pola escadra, o equipo local traducía así o seu dominio no marcador. O partido atravesou dende ese momento unha etapa de desconcerto onde o xogo estaba moi trabado e non se chegaba con claridade. Os visitantes aprobeitaron esto para empatar, foi no minuto 34 cun balón longo que os centrais do Malpica non poideron despexar e Suso resolveu ben no man a man con Toni. Co resultado de empate chegouse ó descanso. Na segunda parte o dominio do Malpica aumentou, e máis despois dos cambios, converténdose así nun monólogo local. Incluso houbo xogada para a polémica cun clarísimo penalti a Charli tras un descarado empurrón que o arbitro non quixo ver. Malía isto, os anfitrións non foron capaces de convertir ningunha das súas ocasions que tiveron tanto Rodrigo como Alfredo e posteriormente o Charro.

Empate ó final dos 90 minutos nun encontro no que o Malpica, senón por xogo, si por ocasións, merceu un premio maior que o empate.

Porteño 3 - Malpica 1

Porteño:Angel, Matias, Roberto, Manuel, Alejandro, Pablo(Astu), Gemisa, Ismael(Iago), Kün(Güi), Vello, Chocho(Varela)
Malpica: Toni, Avelino, Victor, Marco, Diego, Charli(Rodrigo), Andrés, Manuel(Alex), Lema(Charro), Alfredo.
Goles: 1-0 min.65 Ismael dende a área pequena. 2-0 min.71 Varela tras unha parede. 3-0 min.80 Iago tras unha contra. 3-1 min.83 Martuxa dende fora da área.

Rudo partido o disputado no campo de A Grixa (125 personas), onde o penoso estado do terreo de xogo condicionou moito o xogo de ambos equipos. A primeira parte transcurreu sen moitos sobresaltos, o partido estaba bastante bronco e o único que se sucedían eran os balóns largos dos dous equipos. Como era de supoñer, cun campo así, o maior perigo chegaría a balón parado. No minuto 25, Diego tirou unha falta directa que de non ser polo porteiro acabaría na escadra. Dez minutos máis tarde, outra falta de Diego, desta vez indirecta, foi despexada a corner polo porteiro que atopou o balón. Cara ó final do primeiro tempo a maior calidade dos xogadores do Malpica fixo que o conxunto visitante dispuxera dalgunha clara ocasión. No minuto 40 Alfredo dispuxo dun man a man co porteiro, respostando a un anterior remate de cabeza de Kün que Toni despexou sen problemas. A ocasión foi repelida polo porteiro e o posterior rexeite de Martuxa foi despexado por un defensa na mesma liña de gol. Dous minutos despois Alfredo dispuxo doutro man a man que o porteiro encontrou e despexou co peito.
Na segunda parte o xogo continuou sendo bastante trabado e non había moitas ocasións. No minuto 65, e despois dun erro defensivo, o balón quedou morto ó borde da área pequena e Ismael fusilou a Toni, que aínda que tocou o balón, non puido facer nada. O equipo visitante tívose que abrir e só 6 minutos despois, nunha contra moi ben levada, o Porteño daba a puntilla co segundo gol anotado por Varela. Cos cambios o Malpica veuse algo arriba, pero outra contra no minuto 80 sentenciaba o partido, Iago plantábase só diante de Toni e non fallaba. Martuxa maquillaba o resultaado dous minutos despois cun estupendo zurdazo á escadra, pero o partido xa non daba para máis. Demasiado castigo para un Malpica que non mereceu un resultado tan abultado.

Malpica 2 - Sofán 1

Malpica: Toni, Avelino, Brais, Dieguito, Marco, Quique (Manuel m.55), Alfrediño (Alex m.90), Andres, Martuxa, Cheo e Charly (Charro m.55).
Sofán: Costa, Victor, Pancho (Oscar m.65), Gende, Baneira, Pizo, Varela (Gustavo m.82), Juanjo, Berti (Cristian m.60), Bertin e Eloy(Suso m.60)
Goles: 0-1 min.18 Baneira de cabeza a saida dun corner. 1-1 min.57 Alfredo dende fora da area. 2-1 Martuxa, de disparo cruzado.
Partido moi disputado dende o inicio polos dous equipos. O primeiro en dar ca porteria rival foi o Sofán, que sacou partido dunha xogada ensaiada no saque dun corner. Baneira, libre de marca, adiantaba os visitantes cun testarazo incontestable. A partir dese momento o control do partido pasou a mans do Malpica, que o intentaba unha e outra vez pero sen sorte. Sen dúbida a clave do partido estivo na segunda parte, xa que o Sofán gozou de duas clarisimas ocasións para matar o partido por medio de Eloy e Berti, que non acertaron a batir o porteiro local Toni. Quen non fallou foi o Malpica. Alfredo cun impecable tiro dende fora da area poñia as tablas no marcador, e xa casi chegando o minuto oitenta, Martuxa establecia o dous a un definitivo tras aprobeitar un rexeite dentro da area e cruzar o balón con gran acerto. Unha victoria sufrida para o Malpica, que empeza a liga sumando catro puntos de seis posibles.